ព័ត៌មានជាតិ
ខ្យល់កន្ត្រាក់បានធ្វើឱ្យផ្ទះពលរដ្ឋម្នាក់ដែលខ្ចីលុយធនាគារមកសាងសង់មិនទាន់រួចផង រលំខ្ទេចគ្មានសល់
ខ្យល់កន្ត្រាក់បានធ្វើឱ្យផ្ទះពលរដ្ឋម្នាក់សាងសង់ទើបតែបាន ៦០% និងខ្ចីប្រាក់ធនាគារមកសាងសង់ ដួលរលំខ្ទេចគ្មានសល់។ ហេតុការណ៍នេះ បានកើតឡើងនៅថ្ងៃទី២០ ខែឧសភា ឆ្នាំ២០២៣នេះ ស្ថិតនៅខេត្តបាត់ដំបង។
បុរសជាម្ចាស់ផ្ទះ និងជាជនរងគ្រោះដោយសារខ្យល់កន្ត្រាក់ឈ្មោះ លុច ភានិត អាយុ២៨ឆ្នាំ រស់នៅភូមិអ្នកតាទ្វារ ឃុំឬស្សីក្រាំង ស្រុក មោងឬស្សី ខេត្តបាត់ដំបង មុខរបរកសិករ មានកូនស្រីអាយុ១ខួបនៅក្នុងបន្ទុក។ លោកបានឱ្យ “កម្ពុជាថ្មី” ដឹងថា នៅរសៀលថ្ងៃទី២០ ខែឧសភា ឆ្នាំ២០២៣ មានខ្យល់កន្ត្រាក់ និងគួចយ៉ាងខ្លាំង ដែលលោកមិនធ្លាប់ឃើញពីមុនមកទេ បានកើតឡើង និងធ្វើឱ្យផ្ទះអ្នកភូមិនជាច្រើនខ្នងខូចខាត។ រីឯ ផ្ទះរបស់លោកដែលទើបតែសាងសង់បាន ៦០% ខូចខាតទាំងស្រុងតែម្តង មិនអាចជួសជុលបានឡើយ។
លោក លុច ភានិត
លោកបានរៀបរាប់បន្តថា ប្រាក់ដែលយកមកសាងសង់ផ្ទះ គឺបានពីការខ្ចីធនាគារចំនួន ១០លានរៀល និងចងការប្រាក់ពីអ្នកភូមិ ជាង២ពាន់ដុលា្លរ ផ្សេងទៀត ព្រមទាំងជំពាក់ថ្លៃសម្ភារៈសាងសង់ផ្ទះផ្សេងជាង១ពាន់ដុល្លារទៀត។ នេះជាលើកទី១ ដែលលោកហ៊ានខ្ចីប្រាក់ធនាគារមកសាងសង់ផ្ទះព្រោះតែជីវភាពខ្វះខាត ដោយគិតថា នឹងព្យាយាមធ្វើសំណង់ផង និងស្រែចំការផង ដើម្បីដោះបំណុល ប៉ុន្តែ ជាអកុសល បែរជាមានបាតុភូតធម្មជាតិនេះកើតឡើង ដោយខ្លួនមិនទាន់បានចូលរស់នៅផងទេ។ បន្ទាប់ពីត្រូវបានខ្យល់កន្ត្រាក់បំផ្លាញគ្មានសល់បែបនេះ លោកក៏គ្មានទីជម្រកណាក្រៅពីស្នាក់នៅក្រោមផ្ទះម្តាយ ជាមួយប្រពន្ធ និងកូនស្រី ដែលមានត្រឹមតែគ្រែមួយនៅក្រោមផ្ទះ។
ចំពោះហេតុការណ៍នេះ រដ្ឋាភិបាល អាជ្ញាធរមូលដ្ឋាន និងសប្បុរសជនមួយចំនួន បានជួយជាសម្ភារៈផ្សេងៗដល់គ្រួសាររងគ្រោះដោយសារខ្យល់កន្ត្រាក់សម្រាប់ជួសជុលផ្ទះ ជាមួយនឹងអង្គរ និងគ្រឿងបរិភោគមួយចំនួន។ ចំពោះគ្រួសារលោក លុច ភានិត វិញ គឺទទួលបានថវិកា ៣៨ម៉ឺនរៀល ជាមួយនឹងអង្គរ និងគ្រឿងបរិភោគមួយចំនួន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង