ព័ត៌មានជាតិ
អភិបាលរងរាជធានី៖ អំណាចគឺជាភ្លើង បើយើងបំផ្លាញគេ គេនឹងពន្លត់ភ្លើងនោះ
លោក កើត ឆែ អភិបាលរងរាជធានីភ្នំពេញ មានប្រសាសន៍ថា អំណាចគឺជាភ្លើង បើយើងយកភ្លើងនេះទៅបំផ្លិចបំផ្លាញគេ នោះគេនឹងរកគ្រប់មធ្យោបាយ ដើម្បីពន្លត់ភ្លើងនោះ។
ការលើកឡើងនេះបានធ្វើឡើង នៅព្រឹកថ្ងៃទី១៤ ខែសីហា ឆ្នាំ២០២៣ ក្នុងវគ្គបណ្តុះបណ្តាល ស្ដីពី ការពង្រឹង និងអភិវឌ្ឍសមត្ថភាពដឹកនាំក្នុងអង្គភាព ប្រកបដោយសុខដុមនីយកម្ម នៅសាលារាជធានីភ្នំពេញ ខណៈលោក កើត ឆែ ជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ។
លោក កើត ឆែ បញ្ជាក់ថា ទិន្នផលការងារមិនអាចបានមកដោយគ្មានការលះបង់នោះទេ ហើយការងារដែលទទួលបានជោគជ័យ គឺជាការងារដែលមានសុខដុមនីយកម្មជាមួយគ្នា។ លោក បានបន្ថែម ក្នុងនាមជាថ្នាក់ដឹកនាំ ជាមេកើយរបស់គេ ត្រូវតែមានព្រហ្មវិហារធម៌ ចំពោះកូនចៅ មិនអាចបំផ្លិចបំផ្លាញកូនចៅរបស់ខ្លួននោះទេ។
លោក កើត ឆែ មានប្រសាសន៍បន្តថា អំណាចគឺជាភ្លើង ប្រសិនបើយើងយកភ្លើងនេះទៅប្រើខុសគោលដៅ នោះវានឹងបំផ្លិចបំផ្លាញគេហើយ ប៉ុន្តែបើយើងយកភ្លើងនេះទៅប្រើត្រឹមត្រូវ ចំគោលដៅ វានឹងធ្វើឱ្យថ្នាក់ក្រោមរបស់យើង មានភាពរីកចម្រើន។ ប៉ុន្តែផ្ទុយទៅវិញ បើយើងយកភ្លើងនេះទៅបំផ្លិចបំផ្លាញគេ នោះគេនឹងរកគ្រប់មធ្យោបាយ ដើម្បីពន្លត់ភ្លើងនេះហើយ។
លោក កើត ឆែ មានប្រសាសន៍ថា មន្ត្រីទាំងអស់ត្រូវតែយកចិត្តទុកដាក់រៀនសូត្រ ដុសខាត់ចំណេះវិជ្ជាឱ្យកាន់តែខ្លាំងឡើង ប្រៀបបាននឹងអាវុធ គឺបើយើងមិនបានសំលៀងដុសខាត់ទេ អាវុធនោះនឹងមិនមុតស្រួចដែរ។ តម្រូវឱ្យយើងដុះខាត់រៀនសូត្ររាល់ថ្ងៃ ទើបការងារកាន់តែល្អប្រសើរឡើង។
គួរបញ្ជាក់ថា វគ្គបណ្តុះបណ្តាលនេះធ្វើឡើងដោយមានការចូលរួមពី លោកគ្រូ ធម្មទានាចារ្យ ចាន់ សេរី ជំនួយការ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ពីនាយក នាយករងរដ្ឋបាល នាយក នាយិកាទីចាត់ការ-ប្រធានអង្គភាព នាយក-នាយករងដ្ឋបាលសាលាខណ្ឌ ទាំង ១៤ ប្រធាន-អនុប្រធានការិយាល័យ សង្កាត់ ចៅសង្កាត់រង។
នេះជាការអញ្ជើញជាគ្រូឧទ្ទេសលើកទីពីរ បន្ទាប់ពីទីចាត់ការគ្រប់គ្រង ធនធានមនុស្សបានអញ្ជើញលោកគ្រូ ចូលរួមជាគ្រូឧទ្ទេស ក្នុវគ្គតម្រង់ទិសស្តីពី “ការបណ្តុះផ្នត់គំនិតរបស់បុគ្គលិក ក្នុងការបំពេញការងារ” កាលពីថ្ងៃទី២៥ ខែកក្កដា ឆ្នាំ២០២២ ជូនដល់ក្រុមគោលដៅជាមន្ដ្រីរាជការ-មន្ត្រីជាប់កិច្ចសន្យាចំនួន ៣៤៤រូប ដែលបម្រើការងារនៅសាលារាជធានីភ្នំពេញ និងសាលាខណ្ឌទាំង១៤៕
អត្ថបទ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង