ព័ត៌មានជាតិ

ឯកឧត្ដម ហ៊ុន ម៉ានី លើកឡើងថា ថ្ងៃទី ២១ សីហានេះ ជាការបើកទំព័រប្រវត្តិសាស្ត្រថ្មីមួយរបស់ កម្ពុជា

បានផុស

៣ years មុន

នៅ

ថ្ងៃចន្ទ ២១ សីហា ២០២៣

ដោយ

ឯកឧត្ដម ហ៊ុន ម៉ានី ប្រធានគណៈកម្មការទី ៧ នៃរដ្ឋសភា នីតិកាលទី ៦ លើកឡើងថា ថ្ងៃទី ២១ ខែសីហា ឆ្នាំ ២០២៣ នេះ ជាការបើកទំព័រប្រវត្តិសាស្ត្រថ្មីមួយរបស់ «ព្រះរាជាណាចក្រកម្ពុជា» ដែលរដ្ឋសភានីតិកាលទី ៧ ប្រសូតចេញពីការបោះឆ្នោត កាលពីថ្ងៃទី ២៣ ខែកក្កដា ឆ្នាំ ២០២៣ កន្លងទៅ។ នេះបើយោងតាមទំព័រហ្វេសប៊ុកផ្លូវការរបស់ ឯកឧត្ដម ហ៊ុន ម៉ានី បានបង្ហោះឲ្យដឹង នៅព្រឹកថ្ងៃទី ២១ ខែសីហា ឆ្នាំ ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម ហ៊ុន ម៉ានី លើកឡើងថា «ថ្ងៃទី ២១ ខែសីហា ឆ្នាំ ២០២៣ នេះ ជាការបើកទំព័រប្រវត្តិសាស្ត្រថ្មីមួយរបស់ ព្រះរាជាណាចក្រកម្ពុជា ដែលរដ្ឋសភានីតិកាលទី ៧ ប្រសូតចេញពីការបោះឆ្នោត កាលពីថ្ងៃទី ២៣ ខែកក្កដា ឆ្នាំ ២០២៣ កន្លងទៅ នឹងត្រូវប្រកាសសុពលភាពរបស់ខ្លួនមុនចូលបំពេញភារកិច្ចជូន ជាតិ មាតុភូមិ»។

ឯកឧត្ដម ហ៊ុន ម៉ានី សង្កត់ធ្ងន់ថា សម័យប្រជុំពេញអង្គលើកទី ១ ត្រូវបានប្រោសព្រះរាជទានយាងជាព្រះរាជាធិបតីដ៏ខ្ពង់ខ្ពស់បំផុតពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា។ ក្រោយប្រកាសសុពលភាព តំណាងរាស្ត្រទាំងអស់ នឹងត្រូវធ្វើសច្ចាប្រណិធាននៅព្រះទីនាំងទេវាវិនិច្ឆ័យ។ នេះជាដំណើរការទូទៅ និងជាប្រក្រតី នៃលទ្ធិប្រជាធិបតេយ្យ នៅកម្ពុជា។

ជាថ្មីម្ដងទៀត ឯកឧត្ដម ហ៊ុន ម៉ានី ក៏បានអំណរគុណដល់ប្រជាពលរដ្ឋខ្មែរទាំងអស់ ដែលផ្ដល់សេចក្ដីទុកចិត្តមកលើគណបក្សប្រជាជនកម្ពុជា តាមរយៈការចេញទៅបោះឆ្នោត និងបោះឆ្នោតជូនគណបក្ស ដើម្បីគណបក្សបន្តដឹកនាំរាជរដ្ឋាភិបាលក្នុងនីតិកាលថ្មីនេះតទៅទៀត។