ព័ត៌មានជាតិ

លោក ឌិត ទីណា៖ ក្រុមហ៊ុនត្រូវសិក្សាឲ្យច្បាស់ពីតម្រូវការទីផ្សារ មុននាំចេញសម្បុកត្រចៀកកាំទៅចិន

បានផុស

៣ years មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្នើដល់ក្រុមហ៊ុនត្រូវសិក្សាឲ្យបានច្បាស់លាស់អំពីតម្រូវការទីផ្សារ ស្តង់ដា តម្លៃ និងបែបបទនានាឲ្យត្រឹមត្រូវតាមផ្លូវច្បាប់ ក្នុងការនាំចេញសម្បុកត្រចៀកកាំទៅប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបជាមួយគណៈប្រតិភូក្រុមហ៊ុន យ៊ានអានជូ គ្រុប នាថ្ងៃទី២១ ខែកញ្ញា ឆ្នាំ២០២៣ លោក ឌិត ទីណា មានប្រសាសន៍ថា កម្ពុជាស្វាគមន៍និងគាំទ្រលើការវិនិយោគសម្បុកត្រចៀកកាំ ដើម្បីនាំចេញទៅកាន់ទីផ្សារប្រទេសចិន។ក្រសួងនឹងជួយជ្រោមជ្រែងឲ្យអស់លទ្ធភាព ផ្តល់ការគាំទ្រ និងពិនិត្យតាមដាន វាយតម្លៃឲ្យបានត្រឹមត្រូវតាមយន្តការទីផ្សារ។

យ៉ាងណាមិញ លោករដ្ឋមន្រ្តីបានសង្កត់ធ្ងន់ឲ្យក្រុមហ៊ុនត្រូវសិក្សាឲ្យបានច្បាស់លាស់អំពីតម្រូវការទីផ្សារ ស្តង់ដា តម្លៃ និងបែបបទនានាឲ្យមានលក្ខណៈត្រឹមត្រូវតាមផ្លូវច្បាប់ ព្រមទាំងធ្វើការសហការជាមួយវិស័យឯកជន ដើម្បីប្រមូលទិញ ផលិត និងកែច្នៃ សម្រាប់នាំចេញសម្បុកត្រចៀកកាំទៅប្រទេសចិន។

ក្នុងឱកាសនោះលោករដ្ឋមន្ត្រីក៏បានលើកឡើងអំពីការបញ្ចុះតម្លៃអគ្គិសនីសម្រាប់កសិកម្ម ដែលនេះជាការយកចិត្តទុកដាក់ពីប្រមុខរដ្ឋាភិបាលមកលើវិស័យកសិកម្មជាសញ្ញាល្អសម្រាប់ការវិនិយោគ៕