Connect with us

ព័ត៌មានជាតិ

ផ្ទះប្រជាពលរដ្ឋជាង ៣០០ ខ្នងអមសងខាង​ទំនប់សណ្ដស្ទឹងព្រែកត្នោតរងការប៉ះពាល់ដោយទឹកជំនន់

បានផុស

នៅ

ប្រភព័ត៌មានពីអាជ្ញាធរខណ្ឌដង្កោបានឱ្យដឹងថា គិតត្រឹមព្រឹកថ្ងៃទី ១៩ ខែតុលានេះ ​សង្កាត់ចំនួន ៦ និងភូមិ ១៧ និងផ្ទះប្រជាពលរដ្ឋជាង ៣០០ ខ្នង រងការប៉ះពាល់ដោយសារជំនន់ទឹកស្ទឹងព្រែកត្នោត ខណៈគ្រួសារមួយចំនួនត្រូវជម្លៀស​រកទួលសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយមបានឱ្យដឹងថា សម្រាប់ប្រជាពលរដ្ឋដែលរស់នៅក្នុងសណ្ដស្ទឹងព្រែកត្នោតនឹងមានការប៉ះពាល់ ខណៈកម្ពស់ទឹកកើនឡើងជិត ៩ ម៉ែត្រ ដែលប្រហាក់ប្រហែលដើមទៅនឹងខែមករា ដើមឆ្នាំនេះ។

ស្ថានភាពទឹកនៅខាងលើគឺទី១ អាងទឹកតាសាលបានបិទទ្វារទាំងស្រុងហើយចុះមកពាមឃ្លៃ ទឹកចាប់ផ្ដើមស្រកប្រហែល១តឹកហើយ។ លោកថា ទឹកមិនមានបែកវាល ពេលដែលវាស្រកចុះគឺលឿន ខណៈទ្វារទឹកតាសាល និងពាមឃ្លៃបានបិទ។

ទំនប់រលាំងជ្រៃក៏អាជ្ញាធរបានសម្រុតទ្វារចុះកម្រិតកន្លះម៉ែត្រ ហើយបន្តសម្រុតបន្ថែមទៀតនឹងធ្វើឱ្យធាទឹកកាត់បន្ថយ។ លោកបញ្ជាក់ថា ធាទឹកនឹងចាប់ផ្ដើមថយនៅផ្នែកខាងក្រោម។

ទោះយ៉ាងណាលោកបញ្ជាក់ថា ទំនប់ ៧ មករា ផ្លូវជាតិលេខ​៣ បន្តកើនឡើងសន្សឹមៗបន្តិចទៀត ហើយនឹងមានផលប៉ះពាល់ចំពោះប្រជាពលរដ្ឋដែលរស់នៅអមសងខាងស្ទឹងទំនប់សណ្ដ ហើយកម្ពស់ទឹកនឹងកើនឡើងបន្ដិចទៀតដែលដល់ ៩,៣០ ដូចកាលពីពេលជំនន់នៅដើមឆ្នាំនេះ ប៉ុន្តែពលរដ្ឋដែលរស់នៅក្រៅទំនប់សណ្ដមិនមានការប៉ះពាល់នោះទេ។

ស្ថានភាពទឹកនឹងចាប់ផ្ដើមប្រសើរឡើងវិញបន្ទាប់ពីរយៈពេល ៣៦ ម៉ោង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម