ក្រសួងការងារប្រកាសបើកប្រាក់ឧបត្ថម្ភកម្មករដែលព្យួរការងារនៅរោងចក្រចំនួន ៣៩

ក្រសួងការងារ និងបណ្ដុះបណ្ដាលវិជ្ជាជីវៈនៅថ្ងៃទី ២៦ ខែតុលា ឆ្នាំ ២០២៣ នេះ បានប្រកាសបើកប្រាក់ឧបត្ថម្ភជូនដល់​កម្មករនិយោជិតក្នុងវិស័យកាត់ដេរដែលបានព្យួរកិច្ចសន្យាការងារស្របតាមស្មារតីនៃកញ្ចប់វិធានការរបស់រាជរដ្ឋាភិបាលលើកទី ៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការងារប្រកាសថា កម្មករនិយោជិតដែលបានព្យួរកិច្ចសន្យាការងារក្នុងខែកក្កដា ខែសីហា និងខែកញ្ញា នៃរោងចក្រទាំង ៣៩ នៃវិស័យវាយនភណ្ឌកាត់ដេរ ផលិតស្បែកជើងដែលព្យួរកិច្ចសន្យាការងារថា ធនាគារវីងនឹងផ្ញើសារអំពីការបើកប្រក់ឧបត្ថម្ភរបស់រាជរដ្ឋាភិបាលទៅលេខទូរស័ព្ទដែលបងប្អូនកម្មករផ្ដល់មកក្រសួងការងារ។

ប្រាក់ឧបត្ថម្ភនេះនឹងត្រូវបើកជាប្រាក់រៀល និងអាស្រ័យលើចំនួនថ្ងៃនៃកិច្ចសន្យាការងារ ដែលទឹកប្រាក់ ៨១ ០០០ រៀលសម្រាប់ការព្យួររយៈពេល ៧-១៤ ថ្ងៃ និងប្រាក់ ១៦២ ០០០ រៀលសម្រាប់ការព្យូររយៈពេល ១៥-១ ខែ។

ក្រសួងរំលឹកថា ធនាគារវីង នឹងបង្វិលថវិការនេះមករដ្ឋាភិបាលវិញប្រសិនបើបងប្អូនកម្មករខកខានមិនបានទៅបើកក្នុងរយៈពេល ២១ ថ្ងៃ៕