ព័ត៌មានជាតិ

ដើម្បីធានាគុណភាព មន្រ្តីចុះតាមដានការដ្ឋានស្ថាបនាផ្លូវជាតិលេខ ៣១ ខណៈសម្រេចបានជាង ៤០%

បានផុស

២ years មុន

នៅ

ថ្ងៃព្រហស្បតិ៍ ២២ កុម្ភៈ ២០២៤

ដោយ

គម្រោងស្ដារនិងលើកកម្រិតគុណភាពផ្លូវជាតិលេខ៣១ ដែលមានប្រវែងសរុបប្រមាណ ៥៣,៥៣គ.ម (ចាប់ពីថ្នល់បែកគុស ចំណុចប្រសព្វផ្លូវជាតិលេខ៣ រហូតទៅដល់ទីរួមស្រុកកំពង់ត្រាច ចំណុចតភ្ជាប់ផ្លូវជាតិលេខ៣៣) មកដល់ពេលនេះ បានលេចចេញវឌ្ឍនភាពគួរឲ្យកត់សម្គាល់។

គម្រោងស្ដារ និងលើកកម្រិតគុណភាពផ្លូវជាតិលេខ៣១ សម្រេចវឌ្ឍនភាពការងារសាងសង់បាន ៤៧% ភាគរយ និងគ្រោងបញ្ចប់ការងារតួផ្លូវចាក់ AC ក្នុងខែមិថុនា ឆ្នាំ២០២៤ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និងជានាយកក្រុមការងារត្រួតពិនិត្យបច្ចេកទេសផ្លូវជាតិលេខ ៣១ បានគូសបញ្ជាក់ថា តាមការគ្រោងទុកការងារតួផ្លូវចាក់ AC នឹងរួចរាល់ក្នុងខែមិថុនា ឆ្នាំ២០២៤ ហើយការងារបន្ទាប់គឺការបំពាក់បរិក្ខារផ្លូវថ្នល់ និងបំពាក់សម្ភារបម្រើឱ្យការងារសុវត្តិភាពចរាចរណ៍។

លោកបន្តថា គម្រោងនេះគឺជាកិច្ចខិតខំប្រឹងរបស់រាជរដ្ឋាភិបាល ក្នុងការធ្វើឱ្យប្រសើរឡើងការធ្វើចរាចរណ៍របស់ភ្ញៀវទេសចរជាតិ អន្តរជាតិ ទៅកាន់តំបន់មាត់សមុទ្រប៉ែកនិរតី សម្រួលការធ្វើដំណើរពលរដ្ឋកាន់តែប្រសើរ និងការដឹកជញ្ជូនទំនិញទៅមក។

មកទល់ពេលនេះការងារដែលសម្រេចបានរួមមាន៖ ការងារស្រទាប់ Sub Base ជាន់ទី១ ៩០.៨២% (៤៨,៤៨៧km), ការងារស្រទាប់ Sub Base ជាន់ទី២ ៩០.៨២% (៤៨,៤៨៧km), ការងារស្រទាប់ Base Course ជាន់ទី១ ៦៦.៦៨% (៣៥.៦km), ការងារស្រទាប់ Base Course ជាន់ទី ២ ៥៦,៩៦% (៣០,៤Km), ការងារសាងសង់លូកាត់ទទឹងផ្លូវ ៩៥%, ការងារស្ពាន ១០០%, ការងារស្រទាប់ Base Course ជាន់ទី២ ៦០.៧% (២៩.៥Km), ការងារសាងសង់ផ្លូវវាងទី១ ២៥%, ការងារសាងសង់ផ្លូវវាងទី២ ៦០% និងការងារសាងសង់លូមូលបណ្តោយផ្លូវ គ.ម៧ សម្រេចបាន៦០%។

លោក ខាន់ ម៉ាណេរបានអះអាងថា ការចុះពិនិត្យជាប្រចាំធ្វើឡើងក្នុងគោលបំណងតាមដានការងារបច្ចេកទេសសាងសង់របស់ក្រុមហ៊ុនសំដៅឱ្យការសាងសង់ប្រព្រឹត្តទៅស្របតាមបទដ្ឋានបច្ចេកទេស និងកិច្ចសន្យាសាងសង់ ធានាឱ្យបានការសាងសង់មានគុណភាពរឹងមាំ អាចប្រើប្រាស់ជាប់បានយូរអង្វែង៕