ព័ត៌មានជាតិ
ក្រសួងអប់រំ គ្រោងនឹងរៀបចំដំណើរការប្រឡងបាក់ឌុបនៅដើមខែតុលា ខាងមុខ
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ៣០ មេសា នេះថា សម្រាប់ឆ្នាំនេះ ក្រសួងអប់រំ គ្រោងនឹងរៀបចំដំណើរការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប នៅថ្ងៃទី ៨ ខែតុលា ឆ្នាំ ២០២៤ ខាងមុខ ខណៈឆ្នាំមុន ក្រសួងរៀបចំប្រឡងនៅថ្ងៃទី ៦ វិច្ឆិកា។
លោកស្រី បានពន្យល់ថា «ហេតុផលសំខាន់ដែលក្រសួងរៀបចំប្រឡងបាក់ឌុបលឿនជាងឆ្នាំមុន ដោយសារក្រសួងចង់ឱ្យបើកបវេសនកាល និងការសិក្សាវិលត្រឡប់មករកភាពដើមវិញ ក្រោយពីសម័យកូវីដ-១៩ ក្រសួង បានដាក់ឱ្យអនុវត្តចូលវិស្សមកាលមុនកាលកំណត់ ហើយការប្រឡងសញ្ញាបត្រមធ្យមសិក្សាទុតិយភូមិក៏លើកទៅធ្វើទៅឆ្ងាយ។ អីចឹងហើយ ក្នុងរយៈពេល ២ ឆ្នាំ កន្លងមកនេះ ក្រសួងព្យាយាមរំកិលការប្រឡង ក៏ដូចជាការចូលរៀនឱ្យវិលត្រឡប់មកដូចសភាពដើមវិញ ហើយសង្ឃឹមថា នាអនាគតដ៏ខ្លីនេះ យើងអាចចាប់ផ្ដើមការបើកបវេសនកាលក្នុងខែវិច្ឆិកាដូចដើមវិញ ហើយវិស្សមកាលសិស្សមានរយៈពេលវែងដូចកាលពីមុន ពីព្រោះឆ្នាំកន្លងមកនេះ គឺសិស្សានុសិស្សអត់បានវ៉ាកងយូរទេ ដោយសារយើងតម្រូវចូលកងក្នុងថ្ងៃទី ១ ខែធ្នូ ដើម្បីធ្វើយ៉ាងណាយើងអាចឆាប់វិលត្រឡប់ទៅរកសភាពដើមវិញ»។
គួរបញ្ជាក់ថា កាលពីឆ្នាំ ២០២៣ កន្លងទៅនេះ ក្រសួងអប់រំ យុវជន និងកីឡា បានរៀបចំប្រឡងសញ្ញាបត្រមធ្យមសិក្សាទុតិយភូមិសម័យប្រឡង ០៦ វិច្ឆិកា ២០២៣ មានបេក្ខជនចុះឈ្មោះប្រឡងសរុបចំនួន ១៣៧,៤១២ នាក់ ស្រី ៧៣,២៧៨ នាក់ ចែកជា ២២៧ មណ្ឌលប្រឡង ត្រូវជា ៥,៥៤៣ បន្ទប់។ ក្នុងនោះ មានបេក្ខជនមកប្រឡងចំនួន ១៣៥,០៨៤ នាក់ ស្រី ៧២,៣៤៤ នាក់។ ក្នុងចំណោមបេក្ខជនមកប្រឡង មានបេក្ខជនប្រឡងជាប់សរុប ៩៨,៤៦០ នាក់ ត្រូវជា ៧២.៨៩ ភាគរយ នៃចំនួនបេក្ខជនមកប្រឡង។ ក្នុងនោះបេក្ខជនជាប់និទ្ទេស A ចំនួន ១,៦៧៣ នាក់, និទ្ទេស B ចំនួន ៦,៩៦៤ នាក់ និទ្ទេស C ចំនួន ១៨,៣០៨ នាក់, និទ្ទេស D ចំនួន ៣៤,២៤៦ នាក់, និង និទ្ទេស E ចំនួន ៣៧,២៦៩ នាក់៕
អត្ថបទ ៖ សំអឿន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង១ សប្តាហ៍ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ