ឆមាសទី១ឆ្នាំនេះ ប ស ស ចំណាយតាវកាលិកដល់សមាជិកជិត១ពាន់ពាន់លានរៀល

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី២៧មិថុនានេះថា នៅឆមាសទី១ ឆ្នាំ២០២៤នេះបេឡាជាតិសន្តិសុខសង្គម(ប.ស.ស.)បានចំណាយតាវលិកដល់សមាជិករបស់ខ្លួនរួមមាន កម្មករនិយោជិត មន្រ្តីរាជការសាធារណៈ អតីតមន្ត្រីរាជការ អតីតយុទ្ធជន បុគ្គលស្វ័យនិយោជន៍ និងអ្នកក្នុងបន្ទុកសមាជិកប្រមាណជិត១ពាន់ពាន់លានរៀល។

លោកបានបន្តថា ក្នុងនោះផ្នែកហានិភ័យការងារមានសមាជិក ប.ស.ស. សរុប១៨២៣៣១៦នាក់ ក្នុងនោះកម្មករនិយោជិត១៥ ៧៣៧៨០នាក់ មន្រ្តីរាជការសាធារណៈ ២៤៩៥៣៦នាក់ ស្មើប្រមាណ១២ភាគរយនៃប្រជាជនសរុប១៥,៦លាននាក់ (ជំរឿនឆ្នាំ២០១៩) ដោយចំណាយតាវកាលិកចំនួន១០៦ពាន់៧៣៨លានរៀល។ ផ្នែក
ថែទាំសុខភាពមានសមាជិក ប.ស.ស. សរុប២៣១៦៧៤៧ នាក់ ក្នុងនោះកម្មករនិយោជិត១៥៧៣៣១៧នាក់ មន្រ្តីរាជការសាធារណៈ អតីតមន្ត្រីរាជការ និងអតីតយុទ្ធជន ៤៣៩៧៣៦នាក់ បុគ្គលស្វ័យនិយោជន៍២៣៣៥០៧នាក់ និងអ្នកក្នុងបន្ទុកសមាជិក ប.ស.ស.៧០១៨៧នាក់ ស្មើប្រមាណ១៥ភាគរយនៃប្រជាជនសរុប១៥,៦លាននាក់ (ជំរឿនឆ្នាំ២០១៩) ដោយចំណាយតាវកាលិកចំនួន៨៨៧ពាន់៥៤៣លានរៀល និងផ្នែកប្រាក់សោធនមានសមាជិក ប.ស.ស. ជាកម្មករនិយោជិត ១៥៧៣៧៨០នាក់ ស្មើប្រមាណ១០ភាគរយនៃប្រជាជនសរុប ១៥,៦លាននាក់ (ជំរឿនឆ្នាំ២០២១៩)។ ដោយចំណាយតាវកាលិក១,២លានរៀលសម្រាប់អ្នកទទួលបានវិភាជន៍ជរាភាព៣នាក់ និងសោធនិកជរាភាពដែលកំពុងបើកប្រាក់សោធនប្រចាំខែចំនួន២នាក់៕

អត្ថបទ៖ សំអឿន