ការប្រកួតបច្ចេកវិទ្យា ឆ្នាំ២០២៤ បើកឱ្យបេក្ខជនចុះឈ្មោះហើយ លើ ៤ វិញ្ញាសា

ពិព័រណ៍យន្តហោះ និងបច្ចេកវិទ្យា ឆ្នាំ២០២៤ បានបើកឱ្យបេក្ខជនចុះឈ្មោះហើយ លើ ៤ វិញ្ញាសា ដើម្បីចូលរួមបង្ហាញសមត្ថភាព និងទេពកោសល្យជាមួយនឹងគំនិតច្នៃប្រឌិត ទៅកាន់មនុស្សជុំវិញខ្លួន តាមរយៈកម្មវិធី Air & Tech Competitions 2024 ដែលនឹងប្រព្រឹត្តិធ្វើនៅចុងឆ្នាំ២០២៤នេះ។ នេះបើតាមការបញ្ជាក់ពី ក្រុមការងាររៀបចំ នៃពិព័រណ៍យន្តហោះ និងបច្ចេកវិទ្យា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរជម្រាបថា ព្រឹត្តិការណ៍នេះ ធ្លាប់ធ្វើឡើងចំនួន ៣លើករួចមកហើយ ពោលគឺក្នុង ឆ្នាំ២០១៨ ឆ្នាំ២០១៩ និងឆ្នាំ២០២១ ។ ដោយឡែក សម្រាប់ឱកាសលើកនេះ ក្រុមការងាររៀបចំការប្រកួត បញ្ជាក់ថា បាននាំមកនូវវិញ្ញាសាជាច្រេីន ដែលនឹងប្រកួតនៅចុងឆ្នាំ ២០២៤ នេះ រួមមាន៖
-​ ការប្រកួតមនុស្សយន្ត
-​ ការប្រកួតយន្តហោះបញ្ជា
-​ ការប្រកួតរ៉ូបូតចម្បាំង
-​ ការប្រកួតប្រណាំងដ្រូន

សម្រាប់អ្នកដែលមានបំណងដាក់បង្ហាញស្នាដៃរបស់ខ្លួន ចូលរួមប្រកួត អាចចុះឈ្មោះតាមរយៈ តំណរភ្ជាប់​ https://forms.gle/ibQc8zdDxGh46q6b7 ដើម្បីបង្ហាញពីសមត្ថភាព និងទេពកោសល្យជាមួយនឹង គំនិតច្នៃប្រឌិត ទៅកាន់មនុស្សជុំវិញខ្លួន។​ ​ នេះមិនត្រឹមតែជាការប្រកួតប្រជែងទេ តែអ្នកនឹងទទួលបាន ចំណេះដឹងថ្មីៗ បទពិសោធន៍ល្អៗ រួមផ្សំជាជាមួយអត្ថប្រយោជន៍ជាច្រើនបន្ថែមទៀត។
សម្រាប់ព័ត៌មានបន្ថែម សូមទំនាក់ទំនងមកកាន់ផេច ឬ តាមរយៈលេខទូរស័ព្ទ 078 410 046/​ 088 787 3644 ។

គួររំលឹកដែរថា នេះជាការវិលត្រឡប់មកសារជាថ្មី នៃព្រឹត្តិការណ៍ ពិព័រណ៍យន្តហោះ និងបច្ចេកវិទ្យា ដែលក្រុមការងារ បានរៀបចំកិច្ចប្រជុំត្រៀមលក្ខណៈមួយ កាលពីថ្ងៃ០៨ ខែមិថុនា ឆ្នាំ២០២៤ កន្លងទៅ ដើម្បីធានថានឹងធ្វើឱ្យកាន់តែធំ និងពិសេសជាងមុនទ្វេដង៕