ជំនឿ​ត​ជំនាន់ រុក្ខជាតិ ០៧ មុខ ពូកែ​អាច​បណ្តេញ​សត្វ​ពស់​មិន​ឲ្យ​ចូល​ជិត

សត្វ​អាសិរពិស​ដូចជា​ពស់​ជាដើម ជា​ប្រភេទ​សត្វ​​បង្ក​ការ​ភ័យ​ខ្លាច ហើយ​ក៏​មាន​គ្រោះថ្នាក់​ដល់​ជីវិត។ ​លោក យ៉ង សាំងកុមារ អ្នក​ជំនាញ​ផ្នែក​កសិកម្ម​ដែល​បញ្ចប់​ការ​សិក្សា​ថ្នាក់​បណ្ឌិត​មក​ពី​ប្រទេស​អាល្លឺម៉ង់បានបង្ហាញ​រុក្ខជាតិ​មួយ​ចំនួន​បើ​តាម​បទពិសោធន៍​របស់​លោក និង​យោងតាម​ឯកសារ​ផ្សេងៗ មាន​សក្ដានុពល​ក្នុង​ការ​បណ្តេញ ឬ​ការពារ​កុំ​ឱ្យ​សត្វ​ពស់​ចូល​មក​ជិត។

លោក​បាន​លើក​ពី​រុក្ខជាតិ​ចំនួន ០៧ ក្នុង​នោះ​មាន​៖
1. ស្លឹកគ្រៃ (Lemon grass)
2. ស្បៃរឿង (Marigold)
3. ក្រូចសើច (Kaffir Lime)
4. ប្រទាលពស់ ឬប្រទាលលំពែងនាករាជ (Snake Plant)
5. ដើមដំបងយក្ស (Cactus)
6. តាំងអោ (Wormwood)
7. ពពួកខ្ទឹមបារាំង ខ្ទឹម ស (Onion, garlic)

ក្នុង​ចំណោមរុក្ខជាតិទាំង៧ បើ​តាម​លោក​យ៉ង់ សាំង​កុមារ ស្លឹកគ្រៃ​ងាយ​ដាំដុះ អាច​ដាំ​បាន​នៅ​ជុំវិញ​ផ្ទះ។ ស្លឹកគ្រៃ​លូតលាស់​លឿន ហើយ​វា​ផ្តល់​ផលប្រយោជន៍ច្រើន​ដល់​ការប្រើប្រាស់​ប្រចាំថ្ងៃ​។

លោក​ក៏​លើ​ពី​ប្រយោជន៍​ក្រូច​សើច​មិនចាញ់​ស្លឹកគ្រៃ​ដែរ​ដែល​អាច​យក​ប្រើប្រាស់​តម្រូវការ​ប្រចាំថ្ងៃ  ប៉ុន្តែ​គ្រាន់​តែ​វា​លំបាក​ដាំ និង​មាន​ការលូតលាស់​យឺត​ជាង​ស្លឹកគ្រៃ៕

អត្ថបទ៖ ប៊ុណ្ណារ៉ា