ឆ្នាំនេះ​ ខេត្តតាកែវមានបេក្ខជនប្រឡងបាក់ឌុប​ថយចុះជាង៦០០នាក់ បេីធៀបឆ្នាំមុន

ការប្រឡងសញ្ញាបត្រមធ្យមសិក្សាទុតិយភូមិក្នុងឆ្នាំ២០២៤នេះ នៅទូទាំងខេត្តតាកែវ មានបេក្ខជនសរុប ៩៣៤២នាក់ បានដាក់ពាក្យប្រឡង​ មានការថយចុះ ៦៥៧នាក់​(ស្រី១៩៤នាក់)​ បេីធៀប និងឆ្នាំ២០២៣​កន្លងទៅ។ នេះបើតាមការបញ្ជាក់ពីលោក ឡោ វីរិទ្ធ ប្រធានមន្ទីរអប់រំយុវជននិងកីឡាខេត្តតាកែវ នារសៀលថ្ងៃទី២៣​ កញ្ញា​ ឆ្នាំ២០២៤។

លោកប្រធានមន្ទីរបានបន្ថែមថា មណ្ឌលប្រឡងសរុបមាន ១៧មណ្ឌល ថ្នាក់វិទ្យាសាស្ត្រមាន ០៥មណ្ឌល ស្មើនិង ១០០បន្ទប់ ថយចុះ៧បន្ទប់​ និងថ្នាក់វិទ្យាសាស្ត្រសង្គម មាន១២មណ្ឌល ស្មើ២៨៥បន្ទប់​ ថយចុះ១៥បន្ទប់។ បេក្ខជនប្រឡងមាន ៩៣៤២នាក់ (ស្រី៤៩៥៦នាក់) ក្នុងនោះ ថ្នាក់វិទ្យាសាស្ត្រមានបេក្ខជន២៤៣៩នាក់ ស្រី១៤៨៣​ ថយចចុះ១៧៧នាក់​ ស្រី៩៧នាក់​ និងថ្នាក់វិទ្យាសាស្ត្រសង្គម មានបេក្ខជន ៦៩០៣នាក់ ស្រី៣៤៨២នាក់​ ថយ​ចុះ៤៨០នាក់​ ស្រីថយចុះ​៩៧នាក់។

លោក ឡោ វីរិទ្ធ​ បានបញ្ជាក់បន្ថែមថា ក្នុងចំណោមបេក្ខជនដែលដាក់ពាក្យប្រឡងទាំងនោះ គឺ៖
-បេក្ខជនចំណេះទូទៅមាន​ ៨២០២នាក់ ស្រី៤៥០៥​ ថយ​ចុះ៣២៩នាក់​ ស្រីកេីន១៣នាក់។
-បេក្ខជនស្វៃរិនចំណេះទូទៅមាន​ ៩៩៣នាក់ ស្រី៤១០នាក់​ ថយចុះ​ ២៧៩នាក់ស្រីថយចុះ១៨៣នាក់។
-បេក្ខជនបំពេញវិជ្ជាមាន ១២៨នាក់ ស្រី៤៥នាក់​ ថយចុះ៣៣នាក់​ ស្រី២២នាក់។
-បេក្ខជនស្វៃរិនបំពេញវិជ្ជាមាន​ ១៩នាក់ ស្រី០៥នាក់​ ថយចុះ២នាក់៕

អត្ថបទ៖ វីរៈ