ព័ត៌មានជាតិ
អ្នកនាំពាក្យ ៖ ការដំឡើងប្រាក់ឈ្នួលថ្មី ២០៨ ដុល្លារ នឹងជួយលើកកម្ពស់ជីវភាពរស់នៅ និងសុខភាពកម្មករកាន់តែប្រសើរ
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា ការដំឡើងប្រាក់ឈ្នួលអប្បបរមាថ្មីចំនួន ២០៨ ដុល្លារ ក្នុង ១ ខែ សម្រាប់ឆ្នាំ ២០២៥ នឹងជួយលើកកម្ពស់ជីវភាពរស់នៅ និងសុខភាពរបស់កម្មករ-និយោជិតបានកាន់តែប្រសើរឡើងបន្ថែមទៀត។
លោក កត្តា អ៊ន បានមានប្រសាសន៍ប្រាប់កម្ពុជាថ្មីនៅព្រឹកថ្ងៃទី ២៦ កញ្ញា នេះថា «ការដំឡើងប្រាក់ឈ្នួល ២០៨ សម្រាប់បងប្អូនកម្មករ-និយោជិត ២០២៥ គឺជាការចូលរួមចំណែកលើកកម្ពស់ប្រាក់ចំណូលរបស់កម្មករ-និយោជិត សម្រាប់ចិញ្ចឹមក្រុមគ្រួសារបានល្អប្រសើរជាងមុន បើបូកប្រាក់អត្ថប្រយោជន៍ផ្សេងៗ ទៀត»។
លោកបានបន្តទៀតថា ជាងនេះទៀត កម្មករ-និយោជិត ទទួលបានការថែទាំសុខភាពតាមរយៈ ប.ស.ស ដែលនិយោជកជាអ្នកបង់ជូនកម្មករ។ ដូចនេះការរួមចំណែកទាំងប្រាក់ឈ្នួលអប្បបរមាថ្មី ទាំងគោលការណ៍ ប.ស.ស គឺជាការលើកកម្ពស់សុខភាពកម្មករ-និយោជិត និងបានកាត់បន្ថយការចំណាយរបស់កម្មករ-និយោជិតបានច្រើន ធ្វើឱ្យពួកគាត់មានកម្លាំងចិត្ត និងកម្លាំងកាយ ក្នុងការបំពេញការងារជូននិយោជក ដើម្បីបង្កើនខ្សែចង្វាក់ផលិតកម្មបានកាន់តែកើនឡើងសម្រាប់ការនាំចេញដែលនឹងជួយលើកស្ទួយសេដ្ឋកិច្ចកាន់តែរីកចម្រើនបន្ថែមទៀត។
គួរបញ្ជាក់ថា រាជរដ្ឋាភិបាលបានសម្រេចដំឡើងប្រាក់ឈ្នួលអប្បបរមាថ្មីរបស់កម្មករ-និយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៥ គឺ ២០៨ ដុល្លារ ក្នុងមួយខែ កើនឡើង ៤ ដុល្លារ ក្នុងនោះត្រីភាគីដែលមានភាគីសហជីព ភាគីនិយោជក និងភាគីរាជរដ្ឋាភិបាល បានឯកភាពដំឡើង ២ ដុល្លារ និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បន្ថែម ២ ដុល្លារ ពីលើប្រាក់ឈ្នួលបច្ចុប្បន្ន ២០៤ ដុល្លារ ក្នុង ១ ខែ ខណៈក្នុងឆ្នាំ ២០២៤ នេះ ប្រទេសជាច្រើននៅក្នុងតំបន់មិនមានការដំឡើងប្រាក់ឈ្នួលអប្បបរមាទេ ដោយសារស្ថានភាពសេដ្ឋកិច្ចមិនទាន់ល្អប្រសើរ ហើយប្រាក់ឈ្នួលអប្បបរមាដែលគិតជាប្រាក់ដុល្លារអាមេរិក នៃប្រទេសមួយចំនួន មិនត្រឹមតែមិនកើនទេ គឺថែមទាំងថយទាបជាងចុងឆ្នាំ ២០២៣ ទៅវិញ ដោយសារតែការប្រែប្រួល នៃអត្រាប្ដូរប្រាក់ នៃប្រទេសទាំងនោះ។
ការដំឡើងប្រាក់ឈ្នួលបន្ថែម ៤ ដុល្លារ ស្មើនឹង ២០៨ ដុល្លារ ដែលនឹងអនុវត្តនៅខែមករា ឆ្នាំ ២០២៥ ខាងមុខនេះ ប្រសិនបើបូកនឹងប្រាក់អត្ថប្រយោជន៍ផ្សេងៗ បន្ថែម កម្មករ-និយោជិត ម្នាក់ អាចទទួលបានប្រាក់ឈ្នួល ចន្លោះពី ២២៥ ទៅ ២៣៦ ដុល្លារ ដោយមិនទាន់ពីគិតពីអត្ថប្រយោជន៍ផ្សេងទៀត ដែលទទួលបានពី ប.ស.ស៕
អត្ថបទ ៖ សំអឿន
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»