ព័ត៌មានជាតិ

ថ្ងៃទី១ នៃពិធីបុណ្យអុំទូក ខេត្តបាត់ដំបងទទួលបានភ្ញៀវទេសចរ សរុបជាង ៤៦ម៉ឺននាក់

បានផុស

២ years មុន

នៅ

ថ្ងៃព្រហស្បតិ៍ ១៧ តុលា ២០២៤

ដោយ

នៅថ្ងៃទី១ នៃពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ខេត្តបាត់ដំបង ត្រូវនិងថ្ងៃទី១៦ ខែតុលា ឆ្នាំ២០២៤ ក្រុងបាត់ដំបង ទទួលបានភ្ញៀវទេសចរទៅកម្សាន្ត សរុបជាង ៤៦ម៉ឺននាក់ កើនឡើង ៩.៥១% បើធៀបឆ្នាំ២០២៣ មានចំនួន ៤២ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមស្ថិតិពីមន្ទីរទេសចរណ៍ខេត្តបាត់ដំបង នៅថ្ងៃទី១៧ ខែតុលា នេះបានឱ្យដឹងថា ត្រឹមមួយថ្ងៃនៃពិធីបុណ្យអុំទូក ខេត្តបាត់ដំបងទទួលបានភ្ញៀវទេសចរណ៍សរុបជាង ៤៦ម៉ឺននាក់(៤៦១,៧៩១ នាក់)។

ក្នុងនោះ ភ្ញៀវទេសចរជាតិ មានចំនួនជាង ៤៦ម៉ឺននាក់ (៤៦១,៥៦៨នាក់) កើនឡើង ៩.៥១% បើធៀបឆ្នាំ២០២៣ មានចំនួនជាង ៤២ម៉ឺននាក់ (៤២១,៥០០នាក់)។ ភ្ញៀវទេសចរអន្តរជាតិ មានចំនួន ២២៣ នាក់ កើនឡើង ៨.៧៨ % បើធៀបឆ្នាំ២០២៣ មានចំនួន ២០៥ នាក់។

សូមជម្រាបថា ខេត្តបាត់ដំបង រៀបចំពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល ២ថ្ងៃពេញ គឺនៅថ្ងៃទី១៦ និងទី១៧ ខែតុលា នេះ។

ប្រភេទទូកដែលត្រូវប្រណាំងរយ:ពេល ២ ថ្ងៃនេះ មានទូក ៥ ប្រភេទ សរុបទូកចំនួន ៤២ទូក កីឡាករសរុប ១,៤៩០នាក់ (ស្រី៦០នាក់) កីឡាករពេញសិទ្ធចំនួន ១,០៩៣នាក់ (ស្រី៤៤នាក់) និងកីឡាករបម្រុងចំនួន ៣៩៧នាក់ (ស្រី១៦នាក់)៕