ព័ត៌មានជាតិ

ឃុំខ្លួនយុវជនពីរក្រុមដែលឌឺដងដាក់គ្នាតាមបណ្តាញសង្គមTik Tok រហូតផ្ទុះហិង្សាលើដងផ្លូវ

បានផុស

៥ years មុន

នៅ

ថ្ងៃអង្គារ ១៦ មីនា ២០២១

ដោយ

លោក គី អីម៉េង ចៅក្រមស៊ើបសួរសាលាដំបូងខេត្តបាត់ដំបង នៅថ្ងៃទី១៥ ខែមីនា ឆ្នាំ២០២១ បានសម្រេចធ្វើការចោទប្រកាន់យុវជន១៥នាក់ តាមមាត្រា៤១១ នៃក្រមព្រហ្មទណ្ឌ និងបញ្ជូនទៅឃុំខ្លួន នៅពន្ធនាគារខេត្តបាត់ដំបងបណ្ដោះអាសន្ន រង់ចាំការស្រាវជ្រាវនិងវិនិច្ឆ័យដល់អង្គសេចក្ដីនៅពេលក្រោយ។

បើសិនរកឃើញថា ពួកគេបានប្រព្រឹត្តកំហុសស្របតាមបញ្ញត្តិមាត្រា៤១១ក្រមព្រហ្មទណ្ឌនៃព្រះរាជាណាចក្រកម្ពុជាមែននោះ ក្រុមយុវជនទាំងនេះ អាចប្រឈមជាប់ពន្ធនាគារពី២ឆ្នាំដល់៥ឆ្នាំនិងពិន័យជាប្រាក់១០លានរៀលទៀតផង។

សូមរំលឹកថាកាលពីថ្ងៃទី១១ ខែមីនា ឆ្នាំ២០២១ ក្រុមយុវជនចំនួន២ក្រុមដែលមានឈ្មោះក្នុងបណ្តាញសង្គមTik tok ថាBoy Ser និងBoy Loy បានបើកការប្រយុទ្ធគ្នាតាមដងផ្លូវ ដែលប្រដាប់ដោយកាំបិតនិងដុំថ្ម នៅចំណុចភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង ក្រោយពីបានឌឺដងដាក់គ្នាតាមបណ្ដាញសង្គម Tik tok បណ្ដាលឲ្យខូចខាតម៉ូតូផងដែរ។

ក្រោយពីបង្កហេតុកម្លាំងសមត្ថកិច្ចនគរបាលបានធ្វើការស្រាវជ្រាវនិងឃាត់ខ្លួនបាន១៥នាក់ និងរៀបចំឯកសារបញ្ជូនទៅតុលាការចាត់ការតាមផ្លូវច្បាប់៕

អត្ថបទ ៖ សុខុម