ព័ត៌មានជាតិ

លោកកិត្តិសេដ្ឋាបណ្ឌិត ចម ប្រសិទ្ធ ផ្ដាំផ្ញើមន្ត្រីគ្រប់រាជធានីខេត្តអនុវត្តវិធានការណ៍ ៣កុំ និង ៣ការពារឲ្យជាប់ជានិច្ច

បានផុស

៥ years មុន

នៅ

ថ្ងៃចន្ទ ២២ មីនា ២០២១

ដោយ

ឆ្លៀតឱកាសនៅក្នុងពិធីសន្និបាតបូកសរុបលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ តាមប្រព័ន្ធ Online (Zoom Cloud Meeting) នៅទីស្ដីការក្រសួងនាថ្ងៃនេះ លោកកិត្តិសេដ្ឋាបណ្ឌិត ចម ប្រសិទ្ធ បានថ្លែងនូវការណែនាំដល់មន្ត្រីគ្រប់បណ្តារាជធានីខេត្តទាំងអស់ត្ រូវតែអនុវត្តន៍វិធានការណ៍ ៣កុំ និង ៣ការពារឲ្យជាប់ជានិច្ច ខណៈដែលជំងឺកូវីដ១៩ដ៏កាចសាហាវនេះកំពុងតែរាតត្បាតស្ទើរពេញផ្ទៃប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានថ្លែងថា មន្ត្រីទាំងអស់ត្រូវតែអនុវត្តន៍នូវអនុសាសន៍ដ៏ថ្លៃថ្លានិងម៉ឺងម៉ាត់របស់សម្តេចតេជោឲ្យបានខ្ជាប់ខ្ជួននិងគ្រប់ពេលវេលាគឺ ៣កុំ ៣ ការពារ ឲ្យបានគ្រប់ពេលវេលា។

លោកកិត្តិសេដ្ឋាបណ្ឌិតបានបន្តថា វិធានការ៣ការពារ រួមមាន

១.ពាក់ម៉ាស

២.លាងដៃ

៣.រក្សាគម្លាតសុវត្ថិភាពសង្គម គម្លាតសុវត្ថិភាពបុគ្គល ចាប់ពី១ម៉ែត្រកន្លះឡើងទៅ ឲ្យបានគ្រប់គ្នានិងគ្រប់ទីកន្លែង។ សម្តេចបញ្ជាក់ថា ចំណុចបីការពារនេះសំខាន់ខ្លាំងណាស់ធ្វើដូច្នេះទើបអាចយកឈ្នះលើជំងឺកូវីដ-១៩ បានដោយជោគជ័យ។

វិធានការ៣កុំរួមមាន ៖

១.កុំចូលទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក

២.កុំទៅកន្លែងមានមនុស្សច្រើនកុះករ

៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំអោបគ្នាជាដើម

ព្រមជាមួយគ្នានេះសម្តេចអគ្គមហាសេនាបតីតេជោ ហ៊ុន សែន ក៏បានសុំការយោគយល់ពីប្រជាជននៅតាមបណ្តាខេត្ត បើសិនជាអាចពន្យារពេលក្នុងការធ្វើដំណើរមកកាន់ទីក្រុងភ្នំពេញ សូមពន្យាសិន ដើម្បីទុកឱកាសឲ្យរាជធានីភ្នំពេញដោះស្រាយបញ្ហាជៀសវាងការកកស្ទះចរាចរណ៍ដែលនេះ ជាមូលហេតុមួយក្នុងចំណោមមូលហេតុនៃការចំលងពីគ្នាទៅវិញទៅមកផងដែរ ចំពោះអ្នកនៅទីក្រុងភ្នំពេញ បើមិនចាំបាច់ទេសូមមេត្តាកុំចេញមកក្រៅផ្ទះ សូមរួមគ្នាបង្ការទប់ស្កាត់កូវីដ-១៩ ទាំងអស់គ្នា៕

អត្ថបទ៖ វិមាន