ព័ត៌មានជាតិ

ដំណាំដំឡូងមីកសិករ រំពឹងទទួលផលឡើងវិញ ក្រោយមានភ្លៀងធ្លាក់បន្តបន្ទាប់

បានផុស

៤ ថ្ងៃ មុន

នៅ

ថ្ងៃអង្គារ ៦ ឧសភា ២០២៥

ដោយ

ប្រជាកសិករនៅស្រុកបាណន់ ខេត្តបាត់ដំបងបានអះអាងថា ដំណាំដំឡូងមីដែលពួកគាត់បានដាំដុះរំពឹងនឹងទទួលបានផល ស្របពេលមានធ្លាក់ភ្លៀងផ្ទួនៗយ៉ាងជោគជាំ។

កសិករបានបញ្ជាក់ថា ពេលនេះដំណាំដំឡូងមីបានលូតលាស់ល្អវិញ ដោយសារតែមានភ្លៀងធ្លាក់ បើទោះបីទឹកភ្លៀងដែលធ្លាក់នោះមានកម្រិតតិចតូចក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយះពេលប្រឈមរលកកម្តៅ ដំឡូងមីរបស់ លោក ឈៀង សារុំ រួមជាមួយកសិករផ្សេងទៀត នៅក្នុងភូមិសាស្ត្រភូមិទួល និងភូមិប៉ៃឡាំ ឃុំចែងមានជ័យ ស្រុកបាណន់ ខេត្តបាត់ដំបង បានស្វិតបណ្តើរៗ ដែលធ្វើឲ្យពួកគាត់ប្រឈមខាតបង់ថវិការសម្រាប់ត្រៀមនឹងដាំជាលើកទីពីរ។

យ៉ាងណាមិញ លោក ឈៀង សារុំ បានប្រាប់កម្ពុជាថ្មីថា ការព្រួយបារម្ភបានធូរស្បើយវិញ ដោយសារតែប៉ុន្មានថ្ងៃមកនេះមានភ្លៀងធ្លាក់ ធ្វើឲ្យដើមកូនដំឡូងបានលូតលាស់ឡើងវិញ ដែលរំពឹងនឹងអាចលូតលាស់បានល្អរហូតដល់ពេលប្រមូលផល។

មន្ត្រីនៃមន្ទីរកសិកម្មខេត្តបាត់ដំបង កន្លងទៅបានណែនាំកុំឲ្យកសិករត្រូវដាំដុះដំឡូងមីចន្លោះពីដើមខែមេសា ដល់ដើមខែឧសភា តាមទម្លាប់នោះ ដែលងាយនឹងប្រឈមក្នុងការខូចខាត។ កសិករបើចង់ដាំត្រូវធ្វើឡើងចាប់ពីពាក់កណ្តាលខែឧសភា ទើបការប្រឈមមានកម្រិតតិតួចបំផុត៕

អត្ថបទ÷សៅ សារិទ្ធ