ព័ត៌មានជាតិ
បន្លែ ផ្លែឈើ របស់កសិករថៃ ដែលធ្លាប់ឆ្លងចូលកម្ពុជាតាមច្រកខេត្តបាត់ដំបង ត្រូវបានដឹកត្រឡប់ចូលប្រទេសថៃវិញ
បច្ចុប្បន្ន ច្រកទ្វារតំបន់ និងច្រកទ្វារអន្តរជាតិ សរុបចំនួន ៥ ទីតាំង ស្ថិតនៅព្រំប្រទល់ខេត្តបាត់ដំបងជាមួយនឹងប្រទេសថៃ កំពុងធ្វើការរឹតបន្តឹង តាមអនុសាសន៍របស់ សម្ដេចតេជោ ដែលបានដាក់ឱសានវាទ គឺ ត្រូវហាមឃាត់ មិនអនុញ្ញាតឲ្យកសិករថៃដឹកបន្លែ និងផ្លែឈើ ចូលមកក្នុងទឹកដីកម្ពុជា ប្រសិនបើយោធាថៃមិនព្រមបើកច្រកជាធម្មតាឡើងវិញ។
មួយរយៈចុងក្រោយនេះគេសង្កេតឃើញថា ច្រកទ្វារតំបន់ ៤០០ ក្នុងស្រុកសំឡូត ច្រកទ្វារតំបន់អូររំដួល ក្នុងស្រុកភ្នំព្រឹក ច្រកតំបន់អូរអន្លក់ ក្នុងស្រុកកំរៀង និងច្រកអន្តរជាតិភ្នំដី ស្ថិតក្នុងស្រុកសំពៅលូន គឺនៅបើកដំណើរការចាប់ពីម៉ោង ៩ ព្រឹក និងបិទនៅម៉ោង ៤ ល្ងាច។ ដោយឡែក សម្រាប់ច្រកអន្តរជាតិដូង ស្ថិតក្នុងស្រុកកំរៀង ត្រូវបានបិទទាំងស្រុង ដោយបើកតែច្រកថ្មើរជើងតែប៉ុណ្ណោះ សម្រាប់ឲ្យពលករខ្មែរធ្វើដំណើរចូលមកកម្ពុជាវិញ។
បើទោះបីជាច្រកទាំងអស់នៅបើកដំណើរការជាធម្មតាក៏ដោយ ក៏មន្ត្រីជំនាញនៅទីនោះ បានធ្វើការត្រួតពិនិត្យយ៉ាងម៉ត់ចត់ទៅលើទំនិញនាំចូលមកកម្ពុជា ដោយមិនអនុញ្ញាតឲ្យមានការនាំចូលបន្លែ និងផ្លែឈើគ្រប់ប្រភេទជាដាច់ខាត ដែលបញ្ហានេះធ្វើឲ្យកសិករថៃ និងឈ្មួញថៃមួយចំនួនដែលធ្លាប់រកស៊ីដឹកបន្លែផ្លែឈើចូលមកកម្ពុជាផង និងនាំឆ្លងកាត់ចូលទៅប្រទេសទី ៣ ផង តម្រូវបង្វែរទិសដៅចូលទៅក្នុងប្រទេសវិញ ដើម្បីរកទីផ្សារដោយខ្លួនឯង។
បច្ចុប្បន្នតាមការផ្សាយរបស់សារព័ត៌មានក្នុងប្រទេសថៃមួយចំនួន បានលើកឡើងថា បច្ចុប្បន្ន បន្លែ និងផ្លែឈើ ដែលត្រូវបែរក្បាលចូលទៅក្នុងស្រុកវិញនោះ ធ្វើឲ្យកសិករថៃថ្ងួចថ្ងូរយ៉ាងខ្លាំង ខណៈបច្ចុប្បន្ននៅតាមតំបន់មួយចំនួនក្បែរព្រំដែនកម្ពុជាគឺមានរថយន្តដឹកបន្លែផ្លែឈើនៅកកស្ទះជាច្រើនគ្រឿង។ រហូតមកទល់នឹងថ្ងៃនេះ ភាគីកម្ពុជា នៅតែបន្តត្រួតពិនិត្យយ៉ាងល្អិតល្អន់ ឯច្រកអន្តរជាតិដែលបិទទ្វារ គឺ នៅតែបន្តបិទរង់ចាំរហូតដល់មានបទបញ្ជាជាថ្មី៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព