សហគមន៍​ឥស្លាម​ភូមិរកា​ ក្រុងកំពង់ចាម​ឧបត្ថម្ភសម្ភារ និងថវិកាជូនដល់កងទ័ពជួរមុខ និង​ជនភៀស​សឹក

សហគមន៍​ខ្មែរឥស្លាមភូមិរកា​ ប្រជាពលរដ្ឋ អាជីវករ និងសប្បុរសជនក្នុងខេត្តកំពង់ចាម បាន​បន្តចូលរួមបរិច្ចាគអំណោយជាថវិកាស្បៀងអាហារ គ្រឿងឧបភោគបរិភោគ សម្ភារប្រើប្រាស់ផ្សេងៗទៅតាមលទ្ធភាព​ និងការស្ម័គ្រចិត្តជូនដល់កងកម្លាំងទ័ពជួរមុខ និងជនភៀសសឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី២៨ ខែកក្កដា ឆ្នាំ២០២៥ ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានដឹកនាំថ្នាក់ដឹកនាំ និងប្រជាពលរដ្ឋសហគមន៍ឥស្លាមក្នុងក្រុងកំពង់ចាម បានបន្តរង់​ចាំទទួលអំណោយពីសប្បុរសជន និងប្រជាពលរដ្ឋ ដែលបានយកមកជួយឧបត្ថម្ភដោយផ្ទាល់នៅមុខព្រះវិហារភូមិរកា​ សង្កាត់សំបួរមាស​ ក្រុងកំពង់ចាម​។

ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានលេីកឡេីងថា​ ថវិកា និងគ្រឿឧបភោគបរិភោគដែលទទួលបានពីសប្បុរសជន គឺនឹងយកទៅជូនដល់កងទព័ជួរមុខ ក្នុងបុព្វហេតុមនុស្សធម៌ ដើម្បីចូលរួមគាំទ្រ និងលើកទឹកចិត្តដល់វីរៈកងទ័ពជួរមុខ ដែលបានលះបង់យ៉ាងអង់អាចក្លាហាន ដើម្បីការពារបូរណភាពទឹកដី តតាំងជាមួយសត្រូវឈ្លានពានមកលើដែនអធិបតេយ្យភាពរបស់កម្ពុជា។ តាមផែនការសម្ភារៈ​ គ្រឿងឧបភោគ​បរិភោគ​ និងថវិកានឹងដឹកជញ្ជូនទៅល្ងាចថ្ងៃទី២៨ខែកក្កដា​នេះហេីយ៕​

អត្ថបទ​​៖ ឡេក​ ចាន់ពេជ្រ