ព័ត៌មានជាតិ

នាយកមន្ទីរប្រឆាំងគ្រឿងញៀន ដឹកនាំប្រតិភូចុះសួរសុខទុក្ខនាំយកថវិកាជូន លោកអនុសេនីយ៍ឯក សុខ ពៅ ដែលរងគ្រោះថ្នាក់ដោយគ្រាប់បែកទាហានថៃ

បានផុស

១០ ខែ មុន

នៅ

ថ្ងៃសុក្រ ១ សីហា ២០២៥

ដោយ

នាយកមន្ទីរប្រឆាំងគ្រឿងញៀន បានចុះសួរសុខទុក្ខ នាំយកថវិកា និងគ្រឿងឧបភោគបរិភោគ ដ៏ថ្លៃថ្លារបស់ លោកនាយឧត្ដមសេនីយ៍ ស ថេត ជូនដល់លោកអនុសេនីយ៍ឯក សុខ ពៅ ដែលរងគ្រោះថ្នាក់ដោយសារគ្រាប់បែករបស់ទាហានថៃ កំពុងសម្រាកព្យាបាលក្នុងបន្ទប់សង្គ្រោះបន្ទាន់ នៅមន្ទីរពេទ្យព្រះកុសុមៈ (ពេទ្យលោកសង្ឃ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៣១ ខែកក្កដា ឆ្នាំ ២០២៥ ម្សិលមិញ លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន បានដឹកនាំប្រតិភូ ចុះសួរសុខទុក្ខ នាំយកថវិកា និងគ្រឿងឧបភោគបរិភោគដ៏ថ្លៃថ្លារបស់ លោកនាយឧត្ដមសេនីយ៍ ស ថេត អគ្គស្នងការនគរបាលជាតិ ជូនដល់លោកអនុសេនីយ៍ឯក សុខ ពៅ អតីតនាយរងប៉ុស្តិ៍ការពារព្រំដែនជប់គគីរ វរសេនាតូចនគរបាលការពារព្រំដែនគោក លេខ ៧០២ នៃស្នងការដ្ឋាននគរបាលខេត្តឧត្តរមានជ័យ ស្ម័គ្រចិត្តចូលរួមក្នុងសមរភូមិប្រយុទ្ធជាមួយសត្រូវឈ្លានពានទឹកដី បានរងរបួសក្នុងសមរភូមិ និងប្រជាពលរដ្ឋ ១ រូប ដែលរងគ្រោះថ្នាក់ពីគ្រាប់បែករបស់ទាហានថៃ កំពុងសម្រាកព្យាបាលក្នុងបន្ទប់សង្គ្រោះបន្ទាន់ នៅមន្ទីរពេទ្យព្រះកុសុមៈ (ពេទ្យលោកសង្ឃ)។ ចំពោះថវិកា និងសម្ភារៈ ផ្តល់ជូនក្នុង ១ គ្រួសារ ទទួលបានថវិកាចំនួន ៤,០០០,០០០ លានរៀល ថវិកាសរុបចំនួន ៨,០០០,០០០ លានរៀល និងគ្រឿងឧបភោគបរិភោគមាន អង្គរ ២៥ គីឡូ មី ១ កេស ទឹកសុទ្ធ ១ កេស ទឹកដោះគោឆៅ ១ ឡូ និងត្រីខ ១ ឡូ។

ក្នុងនាម លោក សុខ ពៅ និងក្រុមគ្រួសារទាំងពីរ សូមគោរពថ្លែងអំណរគុណអស់ពីដួងចិត្តចំពោះទឹកចិត្ត និងកាយវិការ នៃការយកចិត្តទុកដាក់ខ្ពស់ពីសំណាក់ លោកនាយឧត្ដមសេនីយ៍ ស ថេត និងលោកនាយកមន្ទីរប្រឆាំងគ្រឿងញៀន ព្រមទាំងប្រតិភូទាំងអស់ សូមឲ្យមានសុខភាពល្អមាំមួន ប្រាជ្ញាវាងវៃ ទទួលបានជោគជ័យគ្រប់ភារកិច្ច និងសូមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ និងកុំបីឃ្លៀងឃ្លាតឡើយ៕

អត្ថបទ ៖ ម៉េង