ព័ត៌មានជាតិ

កម្ពុជាឈានទៅចុះកិច្ចសហការបណ្តុះបណ្តាលជំនាញធានារ៉ាប់រងកម្រិតស្តង់ដាពិភពលោក

បានផុស

១០ ខែ មុន

នៅ

ថ្ងៃពុធ ១០ កញ្ញា ២០២៥

ដោយ

និយតករធានារ៉ាប់រងកម្ពុជាបានឈានទៅចុះអនុស្សរណៈយោគយល់ជាមួយវិទ្យាស្ថាន Chartered Insurance Institute (CII) ដែលមានមូលដ្ឋាននៅប្រទេសអង់គ្លេស ដើម្បីនាំការបណ្ដុះបណ្ដាលជំនាញធានារ៉ាប់រងកម្រិតស្តង់ដាអន្តរជាតិ ក្នុងគោលដៅលើកកម្ពស់ការអភិវឌ្ឍធនធានមនុស្សផ្នែកធានារ៉ាប់រងក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ូ ច័ន្ទភីរូ អគ្គនាយកនិយ័ករធានារ៉ាប់រងកម្ពុជាបានថ្លែងថា ការចុះអនុស្សរណៈយោគយល់គ្នានេះ ដើម្បីនាំការបណ្តុះបណ្តាលជំនាញធានារ៉ាប់រងកម្រិតស្តង់ដាពិភពលោក ក្នុងគោលដៅពង្រឹងសមត្ថភាពជំនាញធនធានមនុស្សផ្នែកធានារ៉ាប់រងក្នុងប្រទេសកម្ពុជា។

មន្រ្តីនិយ័ករធានារ៉ាប់រងកម្ពុជាមើលឃើញថា រយៈពេលជាង ២០ ឆ្នាំនេះ វិស័យធានារ៉ាប់ងនៅកម្ពុជានៅមានការខ្វះខាតច្រើន អាចនិយាយបានថាស្ថិតក្នុងដំណាក់កាលធ្វើការបណ្តើរៗរៀនបណ្តើរទេ មិនមានស្តង់ដាសិក្សាត្រឹមត្រូវនោះទេ។

លោក ប៊ូ ច័ន្ទភីរូ បានអះអាងថា វិទ្យាស្ថាន Chartered Insurance Institute (CII) ជាវិទ្យាស្ថានដែលមានជំនាញច្បាស់លាស់លើការបណ្ដុះបណ្ដាលផ្នែកធានារ៉ាប់រងនៅលើពិភពលោក។