នយោបាយ

ហ្វ៊ុនស៊ិនប៉ិចជួបបញ្ហាតិចតួច នៅក្នុងដំណើការចុះបញ្ជីបេក្ខជនឈរឈ្មោះបោះឆ្នោតក្រុមប្រឹក្សាឃុំ សង្កាត់

បានផុស

៤ years មុន

នៅ

ថ្ងៃសៅរ៍ ៥ មីនា ២០២២

ដោយ

ការចុះបញ្ជីបេក្ខជនឈរឈ្មោះបោះឆ្នោតរបស់គណបក្សនយោបាយ សម្រាប់ការឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ចាប់ផ្តើមពីថ្ងៃទី៤ ដល់ថ្ងៃទី៦ ខែមីនា ឆ្នាំ២០២២។

លោក ញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិចបានថ្លែងប្រាប់កម្ពុជាថ្មីថា មកដល់ពេលនេះគណបក្សហ្វ៊ុនស៊ិនប៉ិចកំពុងតែដាក់បេក្ខជនទៅតាមរាជធានី ខេត្ត។ ចំណែកតួលេខ អគ្គលេខាធិការដ្ឋាន កំពុងតែធ្វើការទំនាក់ទំនងជាមួយតំណាងគណបក្សនៅតាមបណ្ដារាជធានី ខេត្ត ហើយក៏កំពុងតែទំនាក់ទំនងជាមួយ គ.ជ.ប ផងដែរ ពីព្រោះនៅពេលដាក់ទៅ មានឯកសារខ្លះ មានការកែតម្រូវបន្តិចបន្តួច ដូច្នេះមិនទាន់សរុបតួលេខបានទេសម្រាប់ថ្ងៃទី០១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ញឿន រ៉ាដែន ទាក់ទងទៅនឹងដំណើរការនៃការចុះឈ្មោះបេក្ខជនសម្រាប់ការឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥នេះដែរ លោក ញឿន រ៉ាដែន បានអះអាងថា មានការបង្កលក្ខណៈពីគណៈកម្មាធិការ ឃុំ សង្កាត់ ក៏ដូចជាគណៈកម្មាធិការរៀបចំការបោះឆ្នោតដោយល្អ និងរលូន គ្មានអ្វីរំខាននោះទេ ប៉ុន្តែទាក់ទងទៅនឹងបច្ចេកទេស គណបក្សហ៊្វុនស៊ិនប៉ិច មានកន្លែងខ្លះបានដាក់រួចហើយ និងបន្តដាក់ទៅថ្ងៃទី២ ទី៣ ជាបន្តបន្ទាប់ទៀតទៅតាមគោលការណ៍របស់ គ.ជ.ប។

លោក នុត សុខុម អនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ធ្លាប់បានលើកឡើងថា គណបក្ សនយោបាយដែលបានចុះបញ្ជីត្រឹមត្រូវនៅក្រសួងមហាផ្ទៃ អាចដាក់ពាក្យស្នើសុំចុះបញ្ជីបេក្ខជនរបស់ខ្លួន ទៅគណៈកម្មការឃុំ សង្កាត់រៀបចំការបោះឆ្នោត (គឃ.សប) ចាប់ពីថ្ងៃទី៤ ដល់ថ្ងៃទី៦ ខែមីនា ឆ្នាំ២០២២។ ពាក្យសុំចុះបញ្ជីបេក្ខជន ត្រូវចុះហត្ថលេខាដោយប្រធានគណបក្សនយោបាយ ឬតំណាងដែលបានទទួលការផ្ទេរសិទ្ធិជាលាយលក្ខណ៍អក្សរពីប្រធានគណបក្សនយោបាយសាមី។ ការផ្ទេរសិទ្ធិនេះមិនអនុញ្ញាតឱ្យផ្ទេរសិទ្ធិបន្តឡើយ លើកលែងតែក្នុងលិខិតផ្ទេរសិទ្ធិនោះមានខ្លឹមសារអនុញ្ញាតឱ្យផ្ទេរសិទ្ធិបន្ត៕

អត្ថបទ៖ កោះកែវ