នយោបាយ
លោក សួស យ៉ារ៉ា ៖ ការសម្រេចចិត្តចាកចេញ របស់បេក្ខជនគណបក្សភ្លើងទៀន មិនពាក់ព័ន្ធនឹងការបំភិតបំភ័យទេ
អ្នកនាំពាក្យគណបក្សប្រជាជនកម្ពុជា លោក សួស យ៉ារ៉ា បានអះអាងថា ការចាកចេញរបស់សមាជិក-សមាជិកាគណបក្សភ្លើងទៀន ជាហូរហែរកន្លងមកនេះ គឺជាការសម្រេចចិត្តដោយបុគ្គល ឬជាក្រុមរបស់ពួកគាត់ មិនពាក់ព័ន្ធនឹងការបំភិតបំភ័យ ឬការជ្រៀតជ្រែកណាមួយពីគណបក្សប្រជាជនកម្ពុជានោះទេ តែវាជាការសម្រេចចិត្តដោយខ្លួនឯង។
ការលើកឡើង របស់អ្នកនាំពាក្យគណបក្សប្រជាជនកម្ពុជា លោក សួស យ៉ារ៉ា បានធ្វើឡើងបន្ទាប់ពីមន្រ្តីជាន់ខ្ពស់គណបក្សភ្លើងទៀនលោក ថាច់ សេដ្ឋា អះអាងថា ការចាកចេញ ឬលាលែងពីគណបក្សរបស់បេក្ខជន ក៏ដូចជាសកម្មជនគណបក្សភ្លើងទៀន ដោយសារតែពួកគេរងនូវការគំរាមកំហែង និងទិញទឹកចិត្តតាមរូបភាពផ្សេងៗ ហើយអ្នកមួយចំនួនទៀតគ្រាន់តែជាពលរដ្ឋ ដែលគេរៀបចំឲ្យសម្ដែងជាឈុតឆាកប៉ុណ្ណោះ។
លោក សួស យ៉ារ៉ា បានបញ្ជាក់យ៉ាងដូច្នេះថា «ការសម្រេចចិត្តលាលែង ឬចាកចេញពីគណបក្សភ្លើងទៀន គឺជាការសម្រេចចិត្តដោយបុគ្គល ឬជាក្រុមរបស់សមាជិកគណបក្សភ្លើងទៀន មិនពាក់ព័ន្ធការប្រើហិង្សា ការបំភិតបំភ័យ ឬការជ្រៀតជ្រែកណាមួយ ឬពាក់ព័ន្ធជាមួយគណបក្សប្រជាជនកម្ពុជានោះទេ ហើយក្នុងរយ:កាលនៃការដង្ហែរក្បួនឃោសនា យើងបានប្រកាន់គោលការណ៍សន្តិភាព ម្ចាស់ការលើគោលនយោបាយរបស់គណបក្ស មិនបំពានលើគណបក្សណាមួយនោះទេ»។
គួររំលឹកថា ថ្មីៗនេះក៏ដូចជាពេលកន្លងមក សមាជិក-សមាជិកា ក៏ដូចជាបេក្ខជនឈរឈ្មោះក្រុមប្រឹក្សាឃុំ-សង្កាត់ គណបក្សគណបក្សភ្លើងទៀន បានចាកចេញពីគណបក្សជាបន្តបន្ទាប់ ដោយសាតែអស់ជំនឿលើគណបក្សរបស់ខ្លួន។ ក្នុងនោះកាលពីថ្ងៃទីថ្ងៃទី ២៨ ខែឧសភា ឆ្នាំ២០២២ បេក្ខជនឈរឈ្មោះគណបក្សភ្លើងទៀន និងសកម្មជនសរុបចំនួន ៣៨នាក់ នៅខណ្ឌច្បារអំពៅ រាជធានីភ្នំពេញ បាននាំគ្នាប្រកាសកាត់ស្លាក ដោះសម្លៀកបំពាក់គណបក្សរបស់ខ្លួន បោះចោល និងបង្កឲ្យមានការភ្ញាក់ផ្អើលយ៉ាងខ្លាំង។ ចំណែកកាលពីរសៀលថ្ងៃអាទិត្យ ទី១ ខែឧសភា ឆ្នាំ ២០២២ បេក្ខជនក្រុមប្រឹក្សាឃុំ-សង្កាត់ និងសកម្មជនមួយចំនួន របស់គណបក្សភ្លើងទៀន នៅរាជធានីភ្នំពេញសរុប ៧៨រូប ក៏បានសម្រេចចិត្តដើរចេញពីបក្សរបស់ខ្លួនជាបន្តបន្ទាប់ និងបានចូលរួមជាមួយគណបក្សប្រជាជនកម្ពុជាផងដែរ៕
អត្ថបទ៖ កោះកែវ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល