អាជីព

អាជីព ៥ ប្រភេទ ជាការងារក្រៅម៉ោង និងកំពុងត្រូវប៉ាន់ខ្លាំង លើទីផ្សារនាសម័យកូវីដ

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

កូវីដ ១៩ កំពុងរាតត្បាតលើពិភពលោក ហាក់មិនថមថយសោះ ខណៈពេលនេះអាជីកម្មតូចធំក៏កំពុងជួបវិបិត្តសេដ្ធកិច្ចយ៉ាងលំបាក។ ប៉ុន្តែទោះបីជាមានភាពលំបាក ក៏នៅតែមានអាជីពខ្លះ កំពុងវាយលុកលើទីផ្សារនាសម័យកូវីដខ្លះៗដែរ។

១ លក់អនឡាញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិជ្ជាជីវៈដែលអាចរកលុយបានច្រើន ដោយមិនចាំបាច់ផ្ទុកឥវ៉ាន់ឬមុខទំនិញ គឺការលក់តាមអនឡាញដែលជាអាជីពបម្រុងទុក។ ជាលទ្ធផល អតិថិជនក្នុងសម័យកាលនេះ គឺនិយមទិញទិញទំនិញនិងសេវាកម្មតាមអ៊ិនធរណេតជាចាំបាច់។ នេះបានក្លាយជាឱកាសមួយទៀតដើម្បីរកប្រាក់ចំណូលបន្ថែម សម្រាប់មនុស្សជាច្រើន។ ប្រភេទផលិតផលដែលពេញនិយមបំផុត គឺលក់សំលៀកបំពាក់និងផលិតផលគ្រឿងសម្អាង កាបូប ក៏ដូចជាអាហារនិងសម្ភារៈផ្សេងទៀតដែលកំពុងពេញនិយម។

២ អ្នកសរសេរអត្ថបទតាមអនឡាញ

សម័យនេះមនុស្សមានសមត្ថភាពក្នុងការសរសេរមិនខ្វះឡើយ។ ការសរសេរមាតិកាតាមអ៊ិនធរណេត ក៏ជាការបន្ថែមដ៏ប្រសើរដល់វិជ្ជាជីវៈ ហើយអាចបង្កើនប្រាក់ចំណូលពីលើប្រាក់ខែប្រចាំខែ។ វាក៏ជាអាជីពមួយដែលអ្នកអាចរស់នៅប្រកបដោយផាសុកភាព និងវិនិយោគតិច ដើម្បីបង្កើតស្នាដៃទៅអ្នកជំនាន់ក្រោយ។

៣ អ្នកឌីស្សាញឯករាជ្យ

នេះជាអាជីពនៅក្នុងតម្រូវការទីផ្សារការងារ ដោយសារតែនិន្នាការដែលកំពុងលេចឡើងនៅក្នុងយុគសម័យនេះ កាន់តែលេចធ្លោជាងមុន និងជាមួយនឹងការរចនាមានកាន់តែច្រើន នៅក្នុងវិស័យបច្ចេកវិទ្យា។ ទោះយ៉ាងណា ការងារនេះតម្រូវឲ្យមានការច្នៃប្រឌិត និងទេពកោសល្យសិល្បៈឆ្នើម សមស្របសម្រាប់អ្នកដែលចូលចិត្តធ្វើ ART WORK ហើយគុណសម្បត្តិនៃអ្នករចនាក្រាហ្វិចឯករាជ្យ គឺថា អាចត្រូវបានធ្វើនៅផ្ទះគ្រប់ពេលមិនរើសទីតាំងឡើយ។ លើសពីនេះទៀតប្រាក់ចំណូលនៃវិជ្ជាជីវៈនេះ គឺគាប់ប្រសើរក្នុងសម័យរាតត្បាតនេះផងដែរ។

៤ អ្នកដឹកជញ្ជូន

ការដឹកជញ្ជូនម្ហូបអាហារក្រៅម៉ោងក្នុងកំឡុងពេលនេះ ត្រូវបានគេចាត់ទុកថាជាអាជីពពេញនិយមបំផុត។ ជាពិសេសគឺអំឡុងផ្ទុះជំងឺរាតត្បាត ដែលធ្វើឲ្យមនុស្សជាច្រើនភ័យខ្លាច ហើយមិនចង់ចាកចេញពីផ្ទះ។ អ្នកមិនអាចអង្គុយញ៉ាំអាហារនៅភោជនីយដ្ឋានបានទេ។ ដូច្នេះការបញ្ជាទិញតារយៈការដឹកជញ្ជូន គឺជាជម្រើសតែមួយគត់ដែលមាន។

បច្ចុប្បន្នឃើញថា អ្នកដែលធ្វើការផ្នែកនេះផ្ទាល់ កាន់តែទទួលបានការគាំទ្រកាន់តែខ្លាំង ដោយសារតែតម្រូវការកើនឡើង មនុស្សមិនសូវចេញក្រៅ ខ្លាចឆ្លងកូវីដជាដើម។ អាជីពនៃការដឹកជញ្ជូនក្រៅម៉ោង គឺជាជម្រើសមួយផ្សេងទៀតដើម្បីរកប្រាក់ចំណូលបន្ថែម។ អត្ថប្រយោជន៍នៃវិជ្ជាជីវៈនេះគឺថា វាអាចជ្រើសរើសពេលវេលាធ្វើការបាន។ ជំនាញសំខាន់មួយគឺការផ្តល់សេវាកម្មដោយចិត្ត ដើម្បីបំពេញចិត្តអតិថិជន ហើយត្រូវការភាពអត់ធ្មត់និងស្ងប់ស្ងាត់ជានិច្ច។

៥ អ្នកជំនាញយូធូប

វិជ្ជាជីវៈដែលមនុស្សងាកទៅរកប្រាក់ចំណូលបន្ថែម សម្រាប់ខ្លួនឯងគឺការបង្កើតវីដេអូឃ្លីបនៅលើយូធូប។ ជំនាញនេះបានក្លាយជាអាជីពក្នុងក្តីសុបិនរបស់មនុស្សជាច្រើន ដោយសារប្រាក់ចំណូលបានមកពីការផ្សាយពាណិជ្ជកម្មដែលមនុស្សចុច តាមរយៈឃ្លិបដែលយើងបង្កើតឡើង៕

ប្រែសម្រួល៖ សាង ស្រីល័ក្ខ

ចុចអាន៖គោលការណ៍ “កុំ៥” សម្រាប់យុវវ័យ មុនប្រឡូកអាជីពនានា

ចុចអាន៖អាជីវកម្ម ៣ប្រភេទ កំពុងសម្រុកកើបលុយរាល់ថ្ងៃ ទោះកូវីដនៅតែបន្តរាតត្បាត