Connect with us

អាជីព

មូលហេតុ ៥យ៉ាងដែលស្ថាប័ន ឬក្រុមហ៊ុនតម្រូវឱ្យបុគ្គលិកមានសុខភាពរឹងមាំ

បានផុស

នៅ

ហេតុអ្វីបានជាស្ថាប័ន ឬក្រុមហ៊ុនរមែងចង់បានឲ្យបុគ្គលិករបស់ខ្លួនមានសុខភាពល្អ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទនេះនឹងស្រាយហេតុផលខ្លះពាក់ព័ន្ធនឹងសំណួរខាងលើ!

១. បង្កើនប្រាក់ចំណូល

កន្លែងធ្វើការណាដែលមានបុគ្គលិកពោរពេញដោយសុខភាពល្អ ជាកន្លែងដែលសន្សំសំចៃប្រាក់សម្រាប់ចំណាយលើបញ្ហាឈឺថ្កាត់។ កាលណានិយោជិកឈឺតិច នោះមានន័យថា ពួកគេអាចធ្វើការបានច្រើន រីឯការចំណាយលើការធានារ៉ាប់រងសុខភាពក៏នៅសល់ផងដែរ។ បង្កើនចំណូលត្រង់នេះ ចង់សម្ដៅដល់ការកាត់បន្ថយចំណាយលើបញ្ហាជំងឺ។

២. បង្កើនផលិតភាពការងារ

ប្រាកដណាស់ថា បុគ្គលិកសុខភាពល្អ រមែងមានផលិតភាពការងារច្រើនជាងធម្មតា។ ការស្ទង់មតិមួយបានរកឃើញថា និយោជិកដែលបរិភោគអាហារដែលមានសុខភាពល្អអាចផលិតការងារបានខ្ពស់ជាងបុគ្គលិកមិនមាំទាំរហូត ២៥%។ លើសពីនេះទៀត បុគ្គលិកណាហាត់ប្រាណយ៉ាងហោចណាស់ ៣០ នាទី និង ៣ ដងក្នុងមួយសប្តាហ៍ឬច្រើនជាងនេះ អាចបង្កើនផលិតភាពខ្ពស់ជាងធម្មតា ១៥%។

៣.​ បង្កើនសុភមង្គល

សុខភាពនិងសុភមង្គលត្រូវបានផ្សារភ្ជាប់គ្នាមិនអាចខ្វះបាន។ សុខភាពជះឥទ្ធិពលដល់អារម្មណ៍ ហើយកាលណាគ្មានភាពសប្បាយរីករាយ នោះបញ្ហាការងារក៏អាចកើតមាន។ ក្រុមហ៊ុនល្អ រមែងមានបំណងចង់ឲ្យបុគ្គលិកខ្លួនថែរក្សាសុខភាព ដើម្បីកាត់បន្ថយស្ត្រេស ក៏ដូចជាជម្រុញសុភមង្គលផ្លូវចិត្តឲ្យពុះពោរក្នុងការបំពេញភារកិច្ច។

៤.​ បង្កើនកិច្ចសហការ

លោក Dave Barnes នាយកប្រតិបត្តិនៃ Gym and Fitness បានប្រាប់ Forbes ថា បរិយាកាសល្អ មានសារៈសំខាន់ណាស់សម្រាប់បុគ្គលិក។ មនុស្សភាគច្រើននឹងមិនសប្បាយចិត្តដែលធ្វើការជាមួយបុគ្គលិកក្រុមហ៊ុនដែលទន់ខ្សោយ ហើយរឹតតែមិនចង់សហការជាមួយអ្នកនោះឡើយ។ និយោជិកមានសុខភាពល្អ បង្កើតបរិយាកាសល្អពេញទាំងក្រុមហ៊ុន។ ផ្ទុយទៅវិញ បើម្នាក់ៗស្ញោរៗ​ ស្លេកស្លាំង គ្មានកម្លាំងកំហែង គ្មាននរណាមានអារម្មណ៍ចូលរួមសហការទេ។

៥. បង្កើនការច្នៃប្រឌិត

ការសិក្សាថ្មីមួយពីទស្សនាវដ្តីសុខភាពចិត្តសាស្ត្ររបស់អង់គ្លេសដែលរាយការណ៍ដោយ Forbes បានរកឃើញថា ក្រុមហ៊ុនដែលមានបុគ្កលិកមានសុខភាព នឹងបង្កើនភាពរីករីករាយ និងការច្នៃប្រឌិតកាន់តែច្រើន។ និយោជិកទាំងឡាយណាដែលទទួលទានអាហារជាបន្លែនិងផ្លែឈើច្រើន អាចផ្តល់ថាមពលដល់រាងកាយជាមួយនឹងសារធាតុប្រឆាំងអុកស៊ីតកម្មដែលជួយបង្កើនការចងចាំ បង្កើនអារម្មណ៍ល្អ និងបង្កើនការលើកទឹកចិត្តកាន់តែផុសផុលផងដែរ៕

ប្រែសម្រួល៖ សន្យា

ប្រភព៖ PayScale

ចុចអាន៖ ក្លាយជាអ្នកដឹកនាំក្រុមឆ្នើម ចាំបាច់មានសេចក្ដីក្លាហាន ៤យ៉ាងនេះជាប់ខ្លួន

ចុចអាន៖ ចង់ក្លាយជា CEO ថ្ងៃដំបូង?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ នាទី មុន

សេចក្តី​ជូនដំណឹង​ស្តីពី​ការអញ្ជើញ​ចូល​រួមពិគ្រោះថ្លៃ​ការ​ផ្គត់ផ្គង់​អុកស៊ីហ្សែន​របស់មន្ទីរ​សុខាភិបាល​នៃ​រដ្ឋបាល​ខេត្ត​បាត់ដំបង

សន្តិសុខសង្គម៦ នាទី មុន

ឃាត់ខ្លួន​ជនសង្ស័យ​៣​នាក់ ពាក់ព័ន្ធ​ករណី​ឆបោក និង​រំលោភ​លើ​ទំនុក​ចិត្ត

សន្តិសុខសង្គម១១ នាទី មុន

តុលាការសម្រេច​ឃុំ​ខ្លួន​ ស្ត្រី​ដែល​ប្រើ​ហិង្សា​វៃ​ធ្វើ​បាប​ក្មេង​អាយុជាង៦ឆ្នាំ ដាក់ពន្ធនាគារ​

ព័ត៌មានជាតិ១៩ នាទី មុន

សម្តេច​តេជោ​ ហ៊ុន សែន​ រង​​ការ​វាយ​ប្រហារ​ផ្លូវ​​ចិត្ត​ខ្លាំង​ ក្រោយ​បង​ប្រុស​​លើក​ដៃ​ចង្អុល​ទៅ​រក​រូប​ថត​​បងប្អូន​​​៦នាក់ ​ការ​ពិត​នៅ​សល់​តែ​៥នាក់​​

សន្តិសុខសង្គម៥០ នាទី មុន

តុលាការខេត្ត​កណ្តាល​ឃុំ​ខ្លួន​ចាងហ្វាង​ផ្សាយ គេហទំព័រ ម្នាក់

Sokha Hotels

ព័ត៌មានពេញនិយម