សន្តិសុខសង្គម
Update៖ ករណីឆ្លងចរន្ដឆក់បុរសម្នាក់លើបង្គោលភ្លើង គឺជាអ្នកឡើងលួចកាត់ខ្សែភ្លើង
រឿងដ៏គួរឲ្យហួសចិត្តមួយ គឺបុរសម្នាក់បានឡើងលើបង្គោលភ្លើងធ្វើសកម្មភាពលួចកាត់ខ្សែភ្លើងទាំងកណ្តាលថ្ងៃចែស ប៉ុន្តែសំណាងអាក្រក់ ខណៈពេលកំពុងកាត់នោះត្រូវចរន្តភ្លើងឆក់បណ្តាលអោយដួលជាប់នៅលើបង្គោលភ្លើងតែម្តង បង្កអោយមានការភ្ញាក់ផ្អើលជាខ្លាំងកាលពីវេលាម៉ោង១១និង៣០នាទី ថ្ងៃទី១០ ខែមករា ឆ្នាំ២០២២ នៅតាមបណ្តោយផ្លូវលេខ៣៧១ ហៅផ្លូវសឡា ក្នុងភូមិទ្រា១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។ ជនសង្ស័យមិនស្គាល់អត្តសញ្ញាណ គ្រាន់តែដឹងថា មានវ័យប្រមាណជាង៣០ឆ្នាំ សម្បុរខ្មៅ ។
យោងតាមប្រភពព័ត៌មានអោយដឹងថា នៅមុនពេលកើតហេតុ គេឃើញជនសង្ស័យខាងលើ និងបក្ខពួកម្នាក់ទៀតបានដើរសំដៅទៅកាន់បង្គោលភ្លើងចំណុចកើតហេតុ។ ភ្លាមនោះ រូបគេបានជាន់ធុងសម្រាមក្បែរនោះតោងបង្គោលភ្លើងឡើងទៅលើដើម្បីកាត់ខ្សែភ្លើង ដោយម្នាក់ទៀតឈរនៅខាងក្រោម។ លុះកំឡុងពេលឡើងទៅកាត់នោះ ស្រាប់តែកាត់ត្រូវខ្សែភ្លើងដែលមានចរន្តបណ្តាលអោយឆក់ហើយដួលជាប់នៅលើបង្គោលភ្លើងដ៏ធំតែម្តងទៅ ។ ពេលនោះ បុរសម្នាក់ទៀត ជាបក្ខពួកបានរត់គេចខ្លួនបាត់ស្រមោល ។
បន្ទាប់ពីប្រទះឃើញដូចនោះ ពលរដ្ឋនៅក្បែរតំបន់នោះ បានរាយការណ៍ជូនសមត្ថកិច្ចមូលដ្ឋាន ដើម្បីសុំកិច្ចអន្តរាគមន៍សង្គ្រោះ ។ ភ្លាមៗនោះកម្លាំងសមត្ថកិច្ចចម្រុះបានចុះដល់ទីតាំងកើតហេតុ និងបានជួយទំនាក់ទំនងទៅកាន់ខាងអគ្គិសនីកម្ពុជា ដើម្បីអោយទៅបិទចរន្តភ្លើង រួចក៏ដាក់ជណ្តើរឡើងទៅសង្គ្រោះជនសង្ស័យខាងលើ ពីលើបង្គោលភ្លើងចុះទៅក្រោម ។ ក្រោយការសង្គ្រោះ ចុះមកដល់ក្រោមហើយនោះ ឃើញថា រូបគេមិនទាន់បានបាត់បង់អាយុជីវិតនោះទេ បើទោះបីជាត្រូវចរន្តភ្លើងឆក់ជាប់នៅលើបង្គោលភ្លើង ប្រហែល១ម៉ោងរួចមកនោះ ។ យ៉ាងណាមិញក្រោយការសង្គ្រោះ ហើយនៅរស់រានមានជីវិត រូបគេត្រូវបានដឹកតាមរថយន្តសាម៉ុយយកទៅកាន់មន្ទីរពេទ្យដើម្បីធ្វើការព្យាបាលផងដែរ ។
សូមបញ្ជាក់ថា បើតាមប្រភពពីពលរដ្ឋដែលបានឃើញហេតុការណ៍បានបញ្ជាក់ថា ដំបូងឡើយ គិតស្មានតែបុរសខាងលើនេះ និងបក្ខពួកម្នាក់ទៀតដែលរត់គេចខ្លួន គឺជាជាង ឬភ្នាក់ងារខាងអគ្គិសនី ឡើងទៅកាត់ខ្សែភ្លើងប៉ុណ្ណោះ ដល់ពេលមានហេតុការណ៍ឆក់បែបនេះ ហើយក្រុមអាជ្ញាធរ ក៏ដូចជាភ្នាក់ងារខាងអគ្គិសនីពុំដែលបានស្គាល់ទៀតផងនោះ ទើបដឹងថា ជាចោរឡើងកាត់ខ្សែភ្លើងទាំងកណ្តាលថ្ងៃចែសទៅវិញនោះ ។
គួរបញ្ជាក់បន្ថែមថា នៅទីតាំងកើតហេតុ គឺមានបន្សល់ទុកកន្ត្រៃសម្រាប់កាត់ខ្សែភ្លើងចំនួន០១ និងខ្សែភ្លើងដែលរូបគេបានធ្វើសកម្មភាពកាត់ជាច្រើនផងដែរ ។ បើតាមប្រភពពីសមត្ថកិច្ច បញ្ជាក់ថា ក្រោយការសង្គ្រោះអោយជាសះពីរបួសហើយនោះ ជនខាងលើក៏នឹងត្រូវឃាត់ខ្លួន ដើម្បីបន្តនីតិវិធីច្បាប់ផងដែរ ពាក់ព័ន្ធនឹងអំពើលួច ៕
អត្ថបទ៖ លីហេង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង