សន្តិសុខសង្គម
ប្រចណ្ឌផង ខឹងសុំលុយទិញថ្នាំញៀនមិនបានផង យកចបជីកវាយប្រពន្ធរបួសធ្ងន់
យកចបជីកវាយទៅលើប្រពន្ធ រងរបួសធ្ងន់ ករណីប្រចណ្ឌប្រពន្ធ និងសុំលុយទិញថ្នាំញៀនមិនបាន ត្រូវសមត្ថកិច្ចឃាត់ខ្លួនបញ្ជូនទៅកាន់តុលាការ នៅព្រឹកថ្ងៃទី ២៣ ខែកុម្ភៈ ឆ្នាំ២០២២ នេះ។
បុរសជាប្ដី ដែលប្រើហិង្សាលើប្រពន្ធ ត្រូវបានសមត្ថកិច្ចឃាត់ខ្លួន កាលពីវេលាម៉ោង ១៧ និង ២០ នាទីល្ងាចថ្ងៃទី ២២ ខែកុម្ភៈ ឆ្នាំ ២០២២ ស្ថិតនៅក្នុងភូមិកេតមឿង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង។
លោកវរសេនីយ៍ឯក ជឹម អេន អធិការស្រុកសៀមប៉ាង បានឲ្យដឹងថា បុរសជាប្ដីត្រូវជាជនសង្ស័យឈ្មោះ ម៉ាន ឡន ភេទប្រុស អាយុ ៣៣ ឆ្នាំ និងប្រពន្ធជាជនរងគ្រោះឈ្មោះ មាន ញ៉ុត អាយុ ២៩ ឆ្នាំ ប្ដីប្រពន្ធទាំងពីរនាក់រស់នៅភូមិ កេតមឿង ឃុំស្រែសំបូរ ស្រុកសៀមប៉ាងខេត្តស្ទឹងត្រែង។ លោកវរសេនីយ៍ឯកបានបន្តឲ្យដឹងទៀតថា ករណីហិង្សានេះ បានបង្កឡើងដោយបុរសជាប្ដី ព្រោះតែរឿងប្រចណ្ឌបានយកចបជីកវាយទៅលើប្រពន្ធ បង្ករបួសស្នាមនៅលើមុខ បែកចិញ្ចើម បាក់ក្តោងច្រមុះ និងបែក ឆ្អឹងដៃផងដែរ។
ក្រោយទទួលបានព័ត៌មានបង្កហិង្សានេះ សមត្ថកិច្ចនគរបាល បានចុះទៅធ្វើការឃាត់ខ្លួនជនសង្ស័យ យកមកធ្វើកំណត់ហេតុ បញ្ជូនបន្តទៅស្នងការដ្ឋាននគរបាលខេត្ត ដើម្បីអនុវត្តនីតិវិធីបន្ត។ ដោយឡែកប្រជាពលរដ្ឋនៅក្នុងភូមិកេតមឿងបាននិយាយថា បុរសជាប្ដីជាមនុស្សញៀនថ្នាំ និងប្រច័ណ្ឌប្រពន្ធបន្ថែមទៀត ហើយនៅពេលដែលសុំលុយប្រពន្ធមិនបាទៅទិញថ្នាំញៀន តែងតែបង្កអំពើហិង្សាបែបនេះ។
បច្ចុប្បន្នជនសង្ស័យនៅព្រឹកថ្ងៃទី ២៣ ខែកុម្ភៈនេះ ត្រូវបានកម្លាំងនគរបាលព្រហ្មទណ្ឌខេត្តស្ទឹងត្រែង កសាងសំណុំរឿងបញ្ជូនទៅតុលាដើម្បីចាត់ការទៅតាមនីតិវិធី៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ