Connect with us

សន្តិសុខសង្គម

បាញ់២គ្រាប់ប្លន់ម៉ូតូស្កុបពី ពីនារី២នាក់ក្បែរទូតចិន

បានផុស

នៅ

ក្រុមចោរប្លន់ប្រដាប់អាវុធ មានគ្នា២នាក់បានធ្វើសកម្មភាពបាញ់០២គ្រាប់ប្លន់យកម៉ូតូស្គុបពី១គ្រឿង ពីនារី០២នាក់ តែមិនបានសម្រេច បង្កអោយមានការភ្ញាក់ផ្អើលការពីវេលាម៉ោង១រំលងអាធ្រាត្រ ឈានចូលថ្ងៃទី១១ ខែឧសភា ឆ្នាំ២០២២ នៅតាមបណ្តោយផ្លូវលេខ១៦៧ កែងផ្លូវលេខ៤១៨ ក្រោយស្ថានទូតចិន ស្ថិតក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះមិនត្រូវបានស្គាល់អត្តសញ្ញាណ គ្រាន់ដឹងថា មានវ័យជាង២០ឆ្នាំ និងជិះម៉ូតូម៉ាក Honda Scoopy ពណ៍ស ស៊េរីឆ្នាំ ២០២២ ពាក់ស្លាកលេខភ្នំពេញ 1JE-5334 ។

យោងតាមការរៀបរាប់ពីជនរងគ្រោះអោយដឹងថា នៅមុនកើតហេតុ ពួកគេទាំង០២នាក់ ទើបជិះម៉ូតូឌុបគ្នាចេញពីធ្វើការ នៅក្បែរកន្លែងកើតហេតុ ខណះជិះម៉ូតូចេញមិនទាន់បាន១០០ម៉ែត្រផងនោះ ស្រាប់តែលិចមុខជនសង្ស័យ០២នាក់ ជិះម៉ូតូមួយគ្រឿងមិនចាំម៉ាក បានជិះទៅក្បែរម៉ូតូជនរងគ្រោះ ធ្វើសកម្មភាពធាក់ម៉ូតូជនរងគ្រោះអោយដួល ដើម្បីធ្វើសកម្មភាពប្លន់ ។ ប៉ុន្តែកំឡុងពេលនោះ នារីរងគ្រោះទាំង២នាក់ បានស្រែកឆោរឡោរអោយគេឯងក្បែរនោះជួយក៏ក្រុមជនល្មើសភ័យស្លន់ស្លោរ ទើបដកកាំភ្លើងពីចង្កេះបាញ់ឡើងលើ២គ្រាប់ បណ្តាលផ្ទុះមួយគ្រាប់ ស្អុយមួយ ហើយជិះម៉ូតូឌុបគ្នាចេញពីកន្លែងកើតហេតុបាត់តែម្តង ។

ក្រោយកើតហេតុ កម្លាំងកងរាជអាវុធហត្ថខណ្ឌចំការមន បានចុះអន្តរាគមន៍ ដល់ទីតាំងកើតហេតុ ដោយរើសបានសម្បកកាំទុះគ្រាប់កាំភ្លើងចំនួន០២គ្រាប់ និងនាំជនរងគ្រោះទាំង០២នាក់ទៅដាក់ពាក្យបណ្តឹង នៅមូលដ្ឋានកងរាជអាវុធហត្ថខណ្ឌចំការមន ដើម្បីកំណត់អត្តសញ្ញាណក្រុមជនសង្ស័យ ក្នុងការស្រាវជ្រាវយកទៅផ្តន្ទាទោសតាមផ្លូវច្បាប់ ។

សូមបញ្ជាក់ថា អំពើបាញ់ប្លន់ប្រដាប់អាវុធក្នុងភូមិសាស្ត្ររាជធានី ហាក់ស្ងប់ស្ងាត់ទៅមួយអន្លើរធំទៅហើយ ហើយនេះ ជាករណីថ្មីកើតឡើងម្តងទៀត ដែលជាកត្តាព្រួយបារម្ភមួយ សម្រាប់បងប្អូនពលរដ្ឋដែលមានកាតព្វកិច្ចធ្វើដំណើរ នៅវេលាយប់ជ្រៅ ។ ដូច្នោះហើយករណីនេះជាសារមួយជូនដល់កងកម្លាំងប្រដាប់អាវុធ ដែលមានភារកិច្ចថែរក្សាការពារសន្តិសុខសុវត្ថិភាពជូនពលរដ្ឋមេត្តាពង្រឹង និងបង្កើនសមត្ថភាពរបស់ខ្លួនបន្ថែមអោយបានកាន់តែខ្លាំងផងដែរដើម្បីធានាបាន មិនអោយ មាននូវអំពើប្លន់ប្រដាប់អាវុធបែបនេះកើតឡើងជាថ្មីជាបន្តបន្ទាប់ទៀត ៕

អត្ថបទ៖ លីហេង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម