ប្រើប្រាស់ថ្នាំញៀនហួសកំណត់កូនប្រុស ដុតផ្ទះឪពុក ម្តាយខ្លួនឯងឆេះគ្មានសល់

ខេត្តបាត់ដំបង ÷ ផ្ទះមួយខ្នងដែលសង់ឡើងអំពីថ្មក្រោម ឈើលើ ត្រូវបានអណ្តាតភ្លើងឆាបឆេះខ្ទេចទាំងស្រុង ដោយសារស្នាដៃកូនប្រុស ដែលបានប្រើប្រាស់ថ្នាំញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

 ករណីដុតផ្ទះខ្លួនឯងនេះ បានកើតឡើង នៅថ្ងៃទី២០ ខែសីហា ឆ្នាំ២០២២ វេលាម៉ោង៥ និង ១០ នាទី ល្ងាច នៅចំណុច ភូមិដូង  ឃុំចែងមានជ័យ ស្រុកបាណន់ ខេត្តបាត់ដំបង។

 ករណីភ្លើងឆេះនេះ បានបំផ្លាញផ្ទះ១ខ្នង ធ្វើអំពីឈើលើ  ថ្មក្រោមដំបូលប្រក់ស័ង្កសី ជញ្ជាំងក្តារ មានបណ្តោយ ១២ ម៉ែត្រ និងទទឹង ៨ ម៉ែត្រ ជាផ្ទះរបស់ឈ្មោះ ឈិត ស៊ង ភេទប្រុស អាយុ ៧៦ ឆ្នាំ រស់នៅ ក្រុមទី២  ភូមិ ឃុំកើតហេតុខាងលើ បណ្តាលអោយឆេះអស់ទាំងស្រុង ។ 

ភ្លាមៗកម្លាំងសមត្ថកិច្ចបានចេញរថយន្តពន្លត់អគ្គីភ័យរបស់អធិការដ្ឋាននគរបាលស្រុកបាណន់ ជួយពន្លត់ រួមជាមួយនិងរថយន្តកែច្នៃ ដើម្បីទប់ស្កាត់ការរាលដាលទៅផ្ទះអ្នកដទៃ។

លោកវរសេនីយ៍ឯក ប៉ាន់  វ៉ាន់នី អធិការ នៃអធិការដ្ឋាននគរបាលស្រុកបាណន់ បានបញ្ជាកម្លាំងឱ្យឃាត់ខ្លួនកូនបង្កើត ឈ្មោះស៊ង  សំរស់ ភេទប្រុស អាយុ ៤២ ឆ្នាំ ដែលជាអ្នកដុតបំផ្លាញ (ជាមនុស្សប្រើប្រាស់ថ្នាំញៀន ) ដើម្បីនាំខ្លួនយកទៅកាន់អធិការដ្ឋានហើយ ៕

អត្ថបទ : សោ និយមរ័ត្ន