សន្តិសុខសង្គម

ទឹកទន្លេមេគង្គកំពង់ចាមបន្តហក់ឡើងបណ្ដាលឲ្យប៉ះពាល់ផ្លូវ និងផ្ទះពលរដ្ឋមួយចំនួន

បានផុស

១០ ខែ មុន

នៅ

ថ្ងៃព្រហស្បតិ៍ ២ តុលា ២០២៥

ដោយ

ទឹកទន្លេមេគង្គខេត្តកំពង់ចាម នៅថ្ងៃទី២ ខែតុលា ឆ្នាំ២០២៥នេះ បានបន្តហក់ឡើងបន្ថែមទៀតបណ្តាលឲ្យរងផលប៉ះពាល់ផ្លូវ និងផ្ទះប្រជាពលរដ្ឋមួយចំនួនដែលរស់នៅតាមបណ្តោយទន្លេមេគង្គ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាម បានបញ្ជាក់ថា ចំពោះស្ថានភាពទឹកទន្លេមេគង្គខេត្តកំពង់ចាម នៅថ្ងៃទី០២ ខែតុលា ឆ្នាំ២០២៥នេះ ទឹកទន្លេបានហក់ឡើងដល់កម្ពស់១៤.៤០ម៉ែត្រ ធៀបថ្ងៃម្សិលមិញ ទឹកទន្លេឡើងកម្ពស់០,១៤ម៉ែត្រ។ ដោយឡែកកម្ពស់ទឹកនាពេលនេះធៀបទៅឆ្នាំ២០២៤ ទឹកទន្លេមានកម្ពស់ ១៣,០៦ម៉ែត្រ ខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។

នៅក្នុងស្ថានភាពទឹកទន្លេកំពុងហក់ឡើងជាបន្តបន្ទាប់បែបនេះ ប្រជាពលរដ្ឋបានលើកឡើងថា ទឹកឆ្នាំ២០២៥នេះឡើងធំគ្រាន់បើ ដែលមិននឹកស្មានដល់ ហើយក៏កំពុងបារម្មណ៍ពីសុវត្ថិភាពផងដែរ៕