កីឡា

តារាសិល្បៈ ៤៥ នាក់ អត្តពលិក ៥៣ នាក់ទៅចូលរួមកីឡាយុវជនទ្វីបអាស៊ី នៅបារ៉ែន

បានផុស

៨ ខែ មុន

នៅ

ថ្ងៃចន្ទ ១៣ តុលា ២០២៥

ដោយ

ប្រតិភូកីឡាកម្ពុជា នឹងធ្វើដំណើរតាមយន្តហោះ Etihad Airway ដើម្បីចូលរួមប្រកួតក្នុងព្រឹត្តិការណ៍កីឡាយុវជនទ្វីបអាស៊ី លើកទី៣ នៅព្រះរាជាណាចក្របារ៉ែន ចាប់ពីថ្ងៃទី២២ ដល់ ទី៣១ ខែតុលា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានសម្រេចបញ្ជូនយុវកីឡាករ កីឡាការិនីចំនួន ៥៣ នាក់ លើប្រភេទកីឡាចំនួន ១៤ ដើម្បីចូលរួមប្រកួតកីឡាយុវជនទ្វីបអាស៊ី ឆ្នាំ ២០២៥ ដែលមានចំនួន ២៣ប្រភេទកីឡាត្រូវបានម្ចាស់ផ្ទះអនុម័ត។ កីឡាទាំង ១៤ ប្រភេទសម្រាប់កម្ពុជាគឺ កីឡា ហែលទឹក អត្តពលកម្ម វាយសី បាល់បោះ៣ទល់៣ ជឺជីតស៊ូ យូដូ គុនខ្មែរ យុទ្ធគុនចម្រុះ តេក្វាន់ដូWT វាយកូនឃ្លីលើតុ បាល់ទាត់លើតុ លើកទម្ងន់ ចំបាប់ និងបញ្ចស៊ីឡាត់ សរុបចំនួន ១៤ ប្រភេទកីឡា លើ ២៣ ប្រភេទកីឡា។

កីឡាជឺជីតស៊ូ និង គុនខ្មែរ អាចជាកីឡាមានសក្តានុពលសម្រាប់កម្ពុជាស្វែងរកមេដាយ។ ជាមួយគ្នានេះ កម្ពុជាក៏សម្រេចបញ្ជូនកីឡាប្រភេទថ្មី«បាល់ទាត់លើតុ» និងកីឡា«បញ្ចស៊ីឡាត់»ក៏អាចជាកីឡាមានសង្ឃឹមទទួលបានលទ្ធផលល្អផងដែរ។

ក្រៅពីចូលរួមប្រកួតដើម្បីស្វែងរកមេដាយ កម្ពុជា មានភារកិច្ចសំខាន់២ ទៀតសម្រាប់ការចូលរួមនេះ។ ទី១ កម្ពុជាទៅសិក្សាស្វែងយល់ និងដកស្រង់បទពិសោធដើម្បីត្រៀមខ្លួនសម្រាប់ការទទួលធ្វើម្ចាស់ផ្ទះនៅ៤ឆ្នាំបន្ទាប់គឺ ២០២៩។ ទី២ កម្ពុជា ត្រូវសម្តែងបង្ហាញពីសក្តានុពលរបស់ខ្លួនក្នុងពិធីបិទដើម្បីទទួលទង់កីឡាយុវជនទ្វីបអាស៊ី។ ហេតុដូច្នេះហើយបានជាកម្ពុជា បានសិល្បករ សិល្បការិនី តារាចម្រៀង និងតារាក្បាច់គុន ចំនួន ៤៥នាក់ ដើម្បីសម្តែងក្នុងពិធីបិទដើម្បីទទួលទង់ជាផ្លូវការ។