កីឡា
អាជ្ញាធរខេត្តកំពង់ធំ បើកការប្រកួតកីឡាវាយសីពានរង្វាន់ថ្នាក់ខេត្ត ដើម្បីអបអរទិវាជ័យជម្នះ ៧មករា
អាជ្ញាធរខេត្តកំពង់ធំ បើកការប្រកួតកីឡាវាយសីពានរង្វាន់ថ្នាក់ខេត្ត ដើម្បីអបអរសាទរខួបអនុស្សាវរីយ៍ទិវាជួយជម្នះ ៧ មករា ១៩៧៩-២០២៣ ដែលពលរដ្ឋកម្ពុជាទាំងអស់ ទទួលបានជីវិតទី២ ក្រោមស្មារតីរំដោះជាតិ។
នៅថ្ងៃទី៥ ខែមករា ឆ្នាំ២០២៣ អាជ្ញាធរខេត្តកំពង់ធំ រៀបចំការប្រកួតកីឡាវាយសី អបអរខួបលើកទី៤៤ នៃទិវាថ្ងៃជ័យជម្នះ ៧មករា ១៩៧៩-២០២៣។ ក្នុងឱកាសនោះដែរ ឯកឧត្តម ងួន រតនៈ អភិបាលខេត្តកំពង់ធំ លើកឡើងថា ការប្រកួតវាយសីក្នុងក្រខណ្ឌថ្នាក់ខេត្ត នេះ ធ្វើឡើងក្នុងគោលដៅសំខាន់ដើម្បីអបអរសាទរថ្ងៃជ័យជម្នះ ៧មករា ខួបអនុស្សាវរីយ៍លើកទី៤៤ឆ្នាំ ដែលពលរដ្ឋកម្ពុជាទាំងអស់រួមទាំងឯកឧត្តមផ្ទាល់ទទួលបានការរស់រៀនជាលើកទី២។
ឯកឧត្តមបន្តថា ក្នុងក្របខ័ណ្ឌខេត្តកំពង់ធំ វិស័យកីឡា មិនទាន់មានចំនួនអ្នកលេងច្រើននៅឡើយទេ ទាំងក្នុងស្រទាប់អាជីវករ យុវជន ក៏ដូចជា ប្រជាពលរដ្ឋ ផងដែរ។ កីឡាមិនត្រឹមជួយថែរក្សាសុខភាព បង្កើតនូវក្តីស្រឡាញ់ និងទំនាក់ទំនងមិត្តភាព ប៉ុណ្ណោះនោះទេ ប៉ុន្តែក៏បានចូលរួមបង្កើនស្មារតីសាមគ្គីភាព យោគយល់ និងអធ្យាស្រ័យគ្នាផងដែរ។
ចំពោះការប្រកួតថ្ងៃនេះ ទោះបីមានការឈ្នះ ចាញ់ គឺជាការប្រកួតមិត្តភាព ប្រកួតអស់ពីសមត្ថភាព ក្នុងស្មារតីទទួលខុសត្រូវខ្ពស់ មិនស្អប់គ្នានោះទេ ផ្ទុយទៅវិញយើងត្រូវបង្អុលបង្ហាញនូវចំណុចខ្វះខាត និងភាពខ្សោយរបស់យើងឲ្យគ្នាទៅវិញទៅមក បង្កើនហ្វឹកហាត់បន្ថែមទៀត។ ឯកឧត្តម អំពាវនាវ ដល់អាជីវករ យុវជន ក៏ដូចជាប្រជាពលរដ្ឋទាំងអស់ សូមចូលរួមលេងកីឡាឲ្យបានគ្រប់គ្នាដើម្បីសុខភាព និងសាមគ្គីភាព ។
ក្នុងការប្រកួននេះផងដែរ លោក ឃឹង នុភាព ប្រធានក្រុមកីឡាករវាយសី លើឡើងថា នេះជាលើកដំបូង ដែលខេត្តកំពង់ធំ រៀបចំការប្រកួតកីឡាវាយសីថ្នាក់ខេត្ត ក្រោមការចង្អុលបង្ហាញពីឯឧត្តមអភិបាលខេត្ត ដែលពីមុនមកយើងមានក្លឹប និងធ្លាប់លេងកីឡា ប៉ុន្តែមិនដែលមានការប្រកួតយកពានរង្វាន់ដូចថ្ងៃនេះទេ។ ព្រឹត្តិការណ៍នេះ បានធ្វើឲ្យមានភាពសប្បាយរីករាយ និងបង្កើនចំណងមិត្តភាព ។
លោកបញ្ជាក់ថា ការប្រកួតថ្ងៃនេះ បែងចែកជាពីរក្រុម គឺមានពូល A និងពូល B នៅក្នុងនោះ ពូល A យើងមាន ៦ ក្រុម ពូល B យើងមាន ៥ ក្រុម ដែលរយៈពេលនៃប្រកួតពេញមួយថ្ងៃ៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ