កីឡា
ក្រុមហ៊ុនអាកាសចរណ៍ វៀតណាម ផ្ដល់កាដូឲ្យគ្រូបង្វឹក Park Hang-Seo ជិះមិនគិតថ្លៃពេញមួយជីវិត
ក្រុមហ៊ុនអាកាសចរណ៍ Vietnam Airline បានផ្តល់សំបុត្រហោះហើរពិសេសដល់គ្រូបង្វឹកបាល់ទាត់ក្រុមជម្រើសជាតិវៀតណាមលោក Park Hang-Seo ជាមួយគ្រួសារ ជិះពេញមួយជីវិតរវាងវៀតណាម និងកូរ៉េខាងត្បូង ។
នៅលើយន្តហោះត្រឡប់មកពីការប្រកួតវគ្គផ្តាច់ព្រ័ត្រ AFF Mitsubishi Electric Cup ឆ្នាំ ២០២២ នៅប្រទេសថៃវិញ, ក្រុមហ៊ុនអាកាសចរណ៍វៀតណាមបានផ្តល់សំបុត្រហោះហើរថ្នាក់ Business Class ឲ្យគ្រូបង្វឹក Park Hang-seo ជាមួយភរិយា ជិះមិនគិតថ្លៃពេញមួយជីវិតសម្រាប់ការធ្វើដំណើរទៅមករវាងប្រទេសកូរ៉េខាងត្បូង និងវៀតណាម ដោយមិនកំណត់ចំនួនដងឡើយ ។
ទន្ទឹមនោះ ការផ្តល់ជូននេះ ក៏ជាការដឹងគុណ និងអរគុណពីសំណាក់ក្រុមហ៊ុនអាកាសចរណ៍ជាតិជូនជាពិសេសសម្រាប់លោក Park ដែលបានដឹកនាំក្រុមបាល់ទាត់ជម្រើសជាតិវៀតណាមកាន់តែរីកមុខមាត់ក្នុងរយៈពេល ៥ ឆ្នាំ ជាមួយនឹងការទទួលបានជោគជ័យយ៉ាងត្រជះត្រចង់ ។
គួរបញ្ជាក់ថា លោក Park Hang-seo បានចូលដឹកនាំក្រុមជម្រើសជាតិវៀតណាមនៅចុងឆ្នាំ ២០១៧ និងបានជួយបាល់ទាត់វៀតណាមទទួលបានចំណាប់អារម្មណ៍យ៉ាងគំហុកពីសំណាក់អ្នកគាំទ្រ ជាពិសេសនៅពេលដឹកនាំក្រុម U23 ក្លាយជាជើងឯករងពានរង្វាន់ U23 ប្រចាំទ្វីបអាស៊ីនៅដើមឆ្នាំ ២០១៨ ។
អ្វីដែលជាជោគជ័យសម្រាប់គ្រូបង្វឹកវ័យ ៦៦ រូបនេះគឺការនាំបាល់ទាត់វៀតណាមឲ្យឈ្នះជើងឯកពានរង្វាន់ AFF Cup ឆ្នាំ ២០១៨, ឈ្នះមេដាយមាសព្រឹត្តិការណ៍កីឡាស៊ីហ្គេម ២ ដងឆ្នាំ ២០១៩ និង ២០២១ ជាពិសេសបានដឹកនាំវៀតណាមឈានដល់វគ្គជម្រុះជុំទី៣ នៃព្រឹត្តិការណ៍បាល់ទាត់ពិភពលោក ឆ្នាំ ២០២២ ៕
ប្រែសម្រួលដោយ ៖ នាង រតនៈ
ប្រភព ៖ VN Express
ចុចអាន ៖ ដឹងទេ យន្តហោះដែលធ្លាក់នៅ នេប៉ាល់ មានអាយុកាលប៉ុន្មានឆ្នាំ?
ចុចអាន ៖ គ្រូ វៀតណាម និយាយយ៉ាងស្រួលថា ជើងទី២ ស៊ី ថៃ តែ ១-០ ក្លាយជាជើងឯក AFF Cup ហើយ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង