ថ្ងៃ​នេះជើងខ្លាំង ឈឿង ល្វៃ ប្រកួត​​ជា​មួយ​​កីឡាករ​ឡាវ

កីឡាករ​ ឈឿង ល្វៃ ស្ថិត​ក្នុង​ចំណោម កីឡាករ កីឡាការិនី​កម្ពុជា​៦​រូប​ដែល​ត្រូវ​ចាប់​ផ្តើម​ប្រកួត​ឃីក​បុក​ស៊ីង​ពី​ថ្ងៃ​ទី​១៣ ខែ​ឧសភា​នេះ​ហើយ​ក្នុង​ព្រឹត្តិការណ៍​កីឡា​ស៊ីហ្គេម លើក​ទី​៣២ នៅ​សង្វៀន​អគារ​ដំរី ក្នុង​ពហុកីឡដ្ឋាន​ជាតិ​មរតក​តេជោ។

ឈឿង ល្វៃ ជា​តារា​សំណព្វ​ចិត្ត​សម្រាប់​អ្នក​គាំទ្រ​គុន​ខ្មែរ​ដែល​រូប​គេ​ជា​ក្តី​សង្ឃឹម​ម្នាក់​ក្នុង​ចំណោម​អត្តពលិក​ឃីក​បុក​ស៊ីង​ដែល​​អាច​ទទួល​បាន​មេដាយ​ជូន​ជាតិ។ កាល​ស៊ីហ្គេម លើក​ទី​៣១ នៅ​ប្រទេស​វៀតណាម រូប​គេ​បាន​ឈ្នះ​មេដាយ​ប្រាក់ ហើយ​លើក​ទី​៣២​នេះ​រំពឹង​ទទួល​បាន​មេដាយ​ជូន​ជាតិ​ទៀត។

ខាង​ក្រោម​ជា​សមាស​ភាព​អត្តពលិក​កកម្ពុជា​ដែល​ត្រូវ​ប្រកួត​វគ្គ​ជម្រុះ​ថ្ងៃ​ទី​១៣ ខែ​ឧសភា​នេះ។

• កីឡាការិនី ចាន់ វិច្ឆិកា ប្រកួត​ជា​មួយ​កីឡាការិនី​ថៃ Phalakan Paweena ទម្ងន់​៥០​គក
• កីឡាករ ម៉េត បូរិន ប្រកួត​ជា​មួយ​កីឡាករ​ថៃ Mangkorn Alexandre ទម្ងន់​៦៣​គក
• កីឡាការិនី អៀន ស៊ីផាន ប្រកួត​ជា​មួយ​កីឡាការិនី​ឥណ្ឌូណេស៊ី Rewade Paula ទម្ងន់៤៨​គក
• កីឡាករ វន គឹមចេង ប្រកួត​ជា​មួយ​កីឡាករ​ហ្វីលីពីន Manzano Mikko ទម្ងន់៥៤គក
• កីឡាករ ឈឿង ល្វៃ ប្រកួត​ជា​មួយ​កីឡាករឡាវ Anong Teunchleun ទម្ងន់៧១​គក
• កីឡាការិនី នៅ ស្រីពៅ ប្រកួត​ជា​មួយ​កីឡាការិនីហ្វីលីពីន Decena Claudine ទម្ងន់៥២​គក

អត្ថបទ៖ វីរបុត្រ