កីឡា
ក្តីសុបិនរបស់អាស៊ានធ្វើម្ចាស់ផ្ទះ World Cup 2034 លែងមាន ក្រោយឥណ្ឌូណេស៊ីដកខ្លួន
ការដេញថ្លៃរបស់ប្រទេសអារ៉ាប៊ីសាអ៊ូឌីត ដើម្បីធ្វើជាម្ចាស់ផ្ទះការប្រកួតបាល់ទាត់ ជើងឯកពិភពលោក (FIFA World Cup) ឆ្នាំ២០៣៤ កាន់តែមានសក្តានុពល បន្ទាប់ពីប្រទេសឥណ្ឌូណេស៊ី បានសម្រេចដកខ្លួន។
![](https://www.kampucheathmey.com/wp-content/uploads/2023/10/World-Cup-2034-2.jpg)
កាលពីសប្តាហ៍មុន ឥណ្ឌូណេស៊ី បានបង្ហាញថា ខ្លួនបានពិភាក្សាជាមួយអូស្ត្រាលី ម៉ាឡេស៊ី និងសិង្ហបុរី ជុំវិញការដេញថ្លៃដ៏មានសក្តានុពលដើម្បីធ្វើម្ចាស់ផ្ទះការប្រកួតក្នុងរយៈពេល១១ឆ្នាំខាងមុខ ប៉ុន្តែផែនការនេះ ត្រូវបានរំសាយចោលដែលបានធ្វើឲ្យក្តីសុបិនរបស់អាស៊ានក្នុងការធ្វើម្ចាស់ផ្ទះឆ្នាំ២០៣៤បានរលាយសូន្យ។
ប្រធានសមាគមបាល់ទាត់ឥណ្ឌូណេស៊ី លោក Erick Thohir បានថ្លែងថា ៖«ឥណ្ឌូណេស៊ីគាំទ្រអារ៉ាប៊ីសាអ៊ូឌីតធ្វើជាម្ចាស់ផ្ទះ World Cup ឆ្នាំ២០៣៤។ ឥណ្ឌូណេស៊ីនឹងបន្តរៀបចំខ្លួនសម្រាប់ការដេញថ្លៃពេលបន្តបន្ទាប់សម្រាប់តំបន់អាស៊ី បន្ទាប់ពីឆ្នាំ២០៣៤ និងការប្រកួតរបស់ FIFA ផ្សេងទៀត»។
ការសម្រេចចិត្តរបស់ឥណ្ឌូណេស៊ី បានបើកផ្លូវសម្រាប់អារ៉ាប៊ីសាអ៊ូឌីតទទួលបានការគាំទ្រពេញលេញពីសមាជិកសហព័ន្ធកីឡាបាល់ទាត់ទ្វីបអាស៊ី (AFC)។
![](https://www.kampucheathmey.com/wp-content/uploads/2023/10/World-Cup-2034-1-1024x682.jpg)
ថ្ងៃទី៣១ ខែតុលា ជាពេលវេលាផុតកំណត់របស់ FIFA សម្រាប់ការដេញថ្លៃធ្វើម្ចាស់ផ្ទះបាល់ទាត់ពិភពលោក ឆ្នាំ២០៣៤ ខណៈមានតែប្រទេសអាស៊ី និងអូសេអានីប៉ុណ្ណោះដែលមានសិទ្ធិដេញថ្លៃសម្រាប់ការប្រកួតនេះ។
សមាជ AFC ត្រូវបានធ្វើឡើងនៅក្នុងទីក្រុងកូឡាឡាំពួរកាលពីសប្តាហ៍មុន ប្រធានស្ថាប័ន លោក Shaikh Salman bin Ebrahim Al Khalifa បានគូសបញ្ជាក់ពីការគាំទ្រក្នុងទ្វីបនេះសម្រាប់ការដេញថ្លៃរបស់អារ៉ាប៊ីសាអ៊ូឌីត។
លោក Gianni Infantino ប្រធាន FIFA បាននិយាយនៅក្នុងកិច្ចប្រជុំដោយលោកបានអំពាវនាវដល់សមាជិក AFC ឱ្យ ៖«រួបរួមគ្នាសម្រាប់ការប្រកួតបាល់ទាត់ពិភពលោក ឆ្នាំ២០៣៤»។
ប្រទេសអេស្ប៉ាញ ម៉ារ៉ុក និងព័រទុយហ្គាល់ គ្រោងនឹងរៀបចំការប្រកួតបាល់ទាត់ពិភពលោក ឆ្នាំ២០៣០ ដោយមានអ៊ុយរូហ្គាយ ប៉ារ៉ាហ្គាយ និងអាហ្សង់ទីន ធ្វើជាម្ចាស់ផ្ទះការប្រកួតបើកឆាក។
![](https://www.kampucheathmey.com/wp-content/uploads/2023/10/World-Cup-2034-3-1024x721.jpg)
ការប្រកួតបាល់ទាត់ពិភពលោក ឆ្នាំ២០២៦ ដែលមាន៤៨ ក្រុមនឹងត្រូវធ្វើជាម្ចាស់ផ្ទះដោយសហរដ្ឋអាមេរិក កាណាដា និងម៉ិកស៊ិក៕
ប្រែសម្រួល៖ មន្នីរ័ត្ន
ប្រភព៖ apnews.com
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ