លោក Amorim ចាត់ទុក Amad ជាកីឡាករសំខាន់ត្រូវ​រក្សាទុកឲ្យយូរ

កុងត្រារបស់កីឡា Amad Diallo ជាមួយក្លិប Manchester United នឹងត្រូវផុតនៅឆ្នាំ២០២៦ ខណៈគ្រូបង្វឹកថ្មី Ruben Amorim កំពុងពិភាក្សារកដោះស្រាយដើម្បីរក្សាទុកកីឡាករវ័យក្មេងរូបនេះបន្ដទៀត។

លោក Ruben Amorim គ្រូបង្វឹកក្លិបបិសាចក្រហម Man Utd បានកំពុងរកដោះ ដើម្បីរក្សាខ្សែបម្រើស្លាប Amad ឲ្យស្នាក់នៅជាមួយរយៈពេលវែង។ ខ្សែបម្រើវ័យ២២ឆ្នាំរូបនេះបានផ្លាស់ពីក្រុម Atalanta មកចូលរួមមជាមួយ Man Utd ក្នុងឆ្នាំ២០២១។

នៅពេលត្រូវបានចោទសួរអំពីការបន្តកិច្ចសន្យាលើកីឡាករ Amad លោក Amorim បានប្រាប់អ្នកសារព័ត៌មាន​ថា ៖«ខ្ញុំគិតថា គាត់ចង់ស្នាក់នៅ ហើយយើងចង់ឲ្យគាត់ស្នាក់នៅ ដូច្នេះច្បាស់ហើយយើងនឹងរកដំណោះស្រាយ។ ខ្ញុំគិតថាគាត់អាចលេងក្នុងតួនាទីផ្សេង​ៗ​បាន​ច្រើន។ វាជាគុណសម្បត្តិ​ដ៏​ល្អ​របស់ Amad»។

នៅពេលសួរអំពីមូលហេតុដែលគាត់ត្រូវបានគេជ្រើសរើស Amad លេងជាខ្សែបម្រើស្លាប លោក Amorim បានបន្ថែមថា ៖«ដោយសារ​ជំនាញជើងឆ្វេងរបស់គាត់ ពេលខ្លះវាស្ថិតក្នុងទីតាំងនោះ របៀបដែលគាត់ទទួលបាល់បានល្អជាងអ្នកផ្សេង។ ប្រសិនបើអ្នកប្រើជើងស្តាំ ពេលខ្លះអ្នកនឹងពិបាកក្នុងការរកចន្លោះទាញបាល់ចូលក្នុង»។

Amad បានស៊ុតបញ្ចូលទីបាន៣គ្រាប់ និងបញ្ជូនបាល់ឲ្យមិត្តរួមក្រុមចំនួន៥លើក ក្នុងការប្រកួតទាំងអស់ជាមួយក្លិបក្នុងរដូវកាលនេះ ហើយកំពុងទទួលបាននាទីលេងច្រើន៕

ប្រែសម្រួល៖ ផា រតនា