កីឡា

បារ៉ែនជាដែនដីកណ្ដាល សម្រាប់ប្រកួតបញ្ចប់ពូលCនៃការប្រកួតជម្រុះ World Cup ប្រចាំទ្វីបអាស៊ី

បានផុស

៥ years មុន

នៅ

ថ្ងៃពុធ ១៧ មីនា ២០២១

ដោយ

សហព័ន្ធបាល់ទាត់ទ្វីបអាស៊ី (AFC)បានកំណត់ពីប្រទេស ដែលត្រូវធ្វើជាម្ចាស់ផ្ទះសម្រាប់ប្រកួតបញ្ចប់នៃការប្រកួតជម្រុះបាល់ទាត់ជើងឯកពិភពលោកប្រចាំទ្វីបអាស៊ីសម្រាប់ឆ្នាំ២០២២ (2022 FIFA World qualification –AFC Second Round)ជាផ្លូវការហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធបាល់ទាត់អាស៊ី បានជជែកពីបញ្ហានេះជាច្រើនលើកច្រើនសារទើបសម្រេចយកប្រទេសបារ៉ែន ធ្វើជាដែនដីកណ្ដាលសម្រាប់ការប្រកួតដែលនៅសេសសល់ ។

កម្ពុជា ដែលស្ថិតនៅពូល C មានអ៊ីរ៉ាក់, អ៊ីរ៉ង់, បារ៉ែន និងហុងកុង នោះទីបំផុតសហព័ន្ធកីឡាបាល់ទាត់ទ្វីបអាស៊ី សម្រេចឲ្យប្រទេសបារ៉ែន ទទួលរៀបចំធ្វើជាម្ចាស់ផ្ទះ ទឹកដីកណ្ដាលទទួលក្រុមទាំង ៤ខាងលើ។

យោងលើលក្ខន្តិកៈសហព័ន្ធកីឡាបាល់ ទាត់ទ្វីបអាស៊ី តម្រូវឲ្យប្រទេស ដែលមានបំណងធ្វើជាម្ចាស់ផ្ទះនៃការប្រកួតជម្រុះតាមពូល នៃព្រឹត្តិការណ៍ដដែលខាងលើ ត្រូវតែមានសណ្ឋាគារលំដាប់ផ្កាយ៥យ៉ាង តិចចំនួន៥ នៅជិតកន្លែងស្នាក់នៅរបស់ក្រុមចូលរួម, ទីលានហ្វឹកហាត់ដែលមានគុណភាពខ្ពស់ចំនួន៥ និងពហុកីឡដ្ឋាន ចំនួន ២ ដែលត្រូវនឹងស្តង់ដារអន្តរជាតិ។សូមបញ្ជាក់ថា ក្រុមកម្ពុជានឹងត្រូវប្រកួតជាមួយបារ៉ែននៅថ្ងៃទី០៣ខែមិថុនា បន្ទាប់មកអ៊ីរ៉ង់នៅថ្ងៃទី០៧ ខែមិថុនា ឆ្នាំ២០២១ ហើយការប្រកួតចុងក្រោយជាមួយអ៊ីរ៉ាក់ នឹងត្រូវធ្វើឡើងនៅថ្ងៃទី១១ ខែមិថុនា។

អ៊ីរ៉ាក់ គឺជាក្រុមនាំមុខគេក្នុងពូល ក្រោយប្រកួត ៥លើក មាន ១១ពិន្ទុ តាមពីក្រោយដោយក្រុមលេខ២ បារ៉ែនដែលមាន ៩ពិន្ទុក្នុងដៃ ។ចំពោះអ៊ីរ៉ង់ ឈរនៅលេខ៣ មាន ៦ពិន្ទុ ប៉ុន្តែសល់១ប្រកួតក្នុងដៃ រីឯហុងកុងឈរនៅចំណាត់ថ្នាក់លេខ៤ ក្នុងខណៈដែលកម្ពុជាឈរនៅចំណាត់ថ្នាក់លេខ៥ដែលអស់ឱកាសឡើងទៅជុំទី៣ នៃវគ្គជម្រុះបាល់ទាត់ពិភពលោក (World Cup) ទៅហើយនោះ នៅសល់ត្រឹមតែឱកាសប្រជែងធ្វើយ៉ាងណាឲ្យរួចផុតពីការប្រកួតជម្រុះពីវគ្គដំបូង (play-off round) ក្នុងពានជើងឯកអាស៊ី (AFC Asian Cup) ដើម្បីបានកៅអីមិនបាច់ជម្រុះ (បានចូលទៅវគ្គចែកពូល) តែប៉ុណ្ណោះ៕

អត្ថបទ៖ វិសិទ្ធ

សូមចុចអាន៖ Atalanta ហួសចិត្ត ខឹងមិនស្ទើរទេ បណ្តើរបាល់ដល់មុខទី Real ស្រាប់តែអាជ្ញាកណ្តាលផ្លុំកញ្ចែបញ្ឈប់