កីឡា

សហព័ន្ធអត្តពលកម្ម៖ ការចូលរួមកីឡាសកលវិទ្យាល័យពិភពលោកជាឱកាសស្វែងយល់បន្ថែមពីកីឡាករកម្រិតខ្ពស់

បានផុស

១ year មុន

នៅ

ថ្ងៃព្រហស្បតិ៍ ១៧ កក្កដា ២០២៥

ដោយ

តំណាងសហព័ន្ធខ្មែរអត្តពលកម្មស្ម័គ្រចិត្ត ថាការទៅចូលរួមក្នុងព្រឹត្តិការណ៍កីឡាសកលវិទ្យាល័យរដូវក្ដៅពិភពលោក នៅឯប្រទេសអាល្លឺម៉ង់ នេះជាឱកាសរបស់ក្រុមកីឡាករ កីឡាការិនីកម្ពុជាអាចស្វែងយល់បន្ថែមពីកីឡាករកម្រិតពិភពលោកដើម្បីយកមកអភិវឌ្ឍន៍ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បូរ ពុធរាត្រី

លោក បូរ ពុធរាត្រី អគ្គលេខាធិការសហព័ន្ធបានឲ្យដឹងថា ការប្រកួតកីឡាសកលវិទ្យាល័យរដូវក្ដៅពិភពលោក លើកទី៣២ នេះធ្វើឡើងនៅឯប្រទេសអាល្លឺម៉ង់ លើកនេះគឺសហព័ន្ធបានបញ្ជូនកីឡាករ ១រូប និងកីឡាការិនី ២រូប ដើម្បីប្រជែងមេដាយជូនប្រទេសកម្ពុជា។

កីឡាករ កីឡាការិនីទាំង ៣រូបនេះបានហ្វឹកហាត់ត្រៀមរយៈពេលជាង ២ខែមកហើយ។ ក្នុងនោះគឺផ្ដោតខ្លាំងលើកម្លាំង បច្ចេកទេស និងហាត់យកល្បឿន ព្រោះដោយសារការចូលរួមនេះកម្រិតពិភពលោកដែលមានមកពីបណ្ដាប្រទេសខ្លាំងផងដែរ។

ទិដ្ឋភាពហ្វឹកហាត់

ការចូលរួមនេះគឺមានសារប្រយោជន៍ច្រើនដល់ក្រុមកម្ពុជា ដកស្រង់បទពិសោធ ទទួលយកនូវដែលជាបច្ចេកទេសថ្មីៗ និងបានស្វែងយល់ពីដៃគូខ្លាំងៗដែលមកពីបណ្ដាប្រទេសជឿលឿនលើប្រភេទកីឡាអត្តពលកម្មនេះផងដែរដើម្បីយកអភិវឌ្ឍន៍សមត្ថភាពរបស់ខ្លួនពេលមកកម្ពុជាវិញ។

ទិដ្ឋភាពហ្វឹកហាត់

បញ្ជាក់ដែរថា សហព័ន្ធខ្មែរកីឡាអត្តពលកម្មស្ម័គ្រចិត្តបញ្ជូនកីឡាករ ណឹប ចាន់យូរ៉ុង លេងលើវិញ្ញាសា 100-200m បុរស។ កីឡាការិនី សាង លីដា លេងវិញ្ញាសា 100-200m នារី។ កីឡាការិនី កាន់ ស្រីរ័ត្ន លេងវិញ្ញាសា 21km Half Marathon នារី។ ការប្រកួតកីឡាសកលវិទ្យាល័យរដូវក្ដៅពិភពលោក លើកទី៣២ នេះធ្វើឡើងនៅឯប្រទេសអាល្លឺម៉ង់ ចាប់ផ្ដើមពីថ្ងៃទី១៦ ដល់ ២៧ ខែកក្ដដា ឆ្នាំ២០២៥។ ព្រឹត្តិការណ៍នេះកម្ពុជាបញ្ជូន ៦ប្រភេទកីឡាដើម្បីប្រកួតប្រជែងមេដាយ៕