ព័ត៌មានអន្ដរជាតិ
មេក្រុមហ៊ុន Apple ចង់បង្កើនការវិនិយោគបន្ថែមទៀតនៅ វៀតណាម
នាយកប្រតិបត្តិក្រុមហ៊ុន Apple លោក Tim Cook បង្ហើបពីគម្រោងបង្កើនការវិនិយោគបន្ថែមទៀតនៅក្នុងប្រទេសវៀតណាម ពោលមួយថ្ងៃបន្ទាប់ពីក្រុមហ៊ុនបច្ចេកវិទ្យាមួយនេះប្រកាសនឹងគាំទ្រដល់អ្នកផ្គត់ផ្គង់នៅក្នុងមជ្ឈមណ្ឌលផលិតកម្មសម្រាប់ប្រទេសអាស៊ានមួយនេះ ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី១៦ ខែមេសាកន្លងទៅ ។
ប្រទេសវៀតណាមនឹងក្លាយជាទីតាំងដ៏សមប្រកបសម្រាប់ក្រុមហ៊ុន Apple ស្របពេលពេលដែលក្រុមហ៊ុនបច្ចេកវិទ្យាយក្សរបស់អាមេរិកមួយនេះព្យាយាមធ្វើពិពិធកម្មសង្វាក់ផ្គត់ផ្គង់របស់ខ្លួនឲ្យចាកចេញឆ្ងាយពីប្រទេសចិន ជាកន្លែងដែលភាគច្រើនតំឡើងជាស្មាតហ្វូន និងថេប្លេត ។
បច្ចុប្បន្ន Apple កំពុងចាប់ផ្ដើមងាករេចេញពីប្រទេសចិន ហើយសម្លឹងរកមើលផលិតកម្មរបស់ខ្លួនទៅកាន់វៀតណាម និងឥណ្ឌា បន្ទាប់ពីចិនបិទប្រទេសម្ដងជាពីរដងដើម្បីប្រយុទ្ធប្រឆាំងនឹងរោគរាតត្បាតកូវីដ ១៩ ដែលរាំងស្ទះទៅដល់ការនាំចេញរបស់ក្រុមហ៊ុន ។
ថ្លែងក្នុងជំនួបជាមួយនាយករដ្ឋមន្ត្រីវៀតណាមលោក Pham Minh Chinh កាលពីថ្ងៃអង្គារកន្លងទៅ, លោក Tim Cook បានលើកឡើងថា “លោកចង់បង្កើនការចំណាយលើអ្នកផ្គត់ផ្គង់នៅវៀតណាម ដោយសារតែមិនមានកន្លែងណាដូចប្រទសមួយនេះឡើយ ។ វៀតណាមជាប្រទេសរស់រវើក និងស្រស់បំព្រង ស្របពេលដែលការចំណាយប្រចាំឆ្នាំរបស់ក្រុមហ៊ុននៅក្នុងប្រទេសអាស៊ានមួយនេះបានកើនឡើងទ្វេដង ចាប់តាំងពីឆ្នាំ ២០១៩ មក” ។
Apple បានចាប់ផ្តើមប្រតិបត្តិការនៅក្នុងប្រទេសវៀតណាមជាងមួយទសវត្សរ៍មុន ដោយសារតែប្រទេសមួយនេះក៏ស្ថិតក្នុងចំណោមប្រទេសផលិតហ្គេមទូរស័ព្ទឈានមុខគេទាំង ៥ នៅលើពិភពលោក ហើយការបណ្ដាក់ទុនវិនិយោគរបស់ក្រុមហ៊ុនបច្ចេកវិទ្យាមួយនេះទៀតសោត ជួយបង្កើតការងារឲ្យពលរដ្ឋវៀតណាមជាង ២០ ម៉ឺននាក់ឯណោះ ។
ក្រុមហ៊ុន Apple មានអ្នកផ្គត់ផ្គង់ចំនួន ២៦ ជាមួយនឹងរោងចក្រចំនួន ២៨ នៅក្នុងប្រទេសវៀតណាម ។ ភាគច្រើននៃរោងចក្រទាំងនេះមានទីតាំងនៅខេត្តភាគខាងជើង ជាកន្លែងដែលពួកគេអាចភ្ជាប់បានយ៉ាងងាយស្រួលទៅនឹងខ្សែសង្វាក់ផ្គត់ផ្គង់ដែលមានស្រាប់នៅភាគខាងត្បូងប្រទេសចិន ខណៈវៀតណាមខាងជើងក៏ធ្លាប់ជាមជ្ឈមណ្ឌលសម្រាប់ផលិតគ្រឿងអេឡិចត្រូនិក និងមានកម្លាំងពលកម្មជំនាញតម្លៃថោកផងដែរ ។
គួរបញ្ជាក់ថា CEO ក្រុមហ៊ុន Apple លោក Tim Cook បានអញ្ជើញទៅដល់ទីក្រុងហាណូយកាលពីថ្ងៃចន្ទ ទី១៥ ខែមេសាកន្លងទៅក្នុងដំណើរទស្សនកិច្ចរយៈពេល ២ ថ្ងៃ ហើយក្នុងអំឡុងពេលនោះ លោកបានជួបជាមួយសិស្សនិស្សិត អ្នកសរសេរប្រូក្រាម និងអ្នកបង្កើតមាតិកាជាដើម ខណៈលោកបានចាកចេញពីប្រទេសវៀតណាមកាលពីថ្ងៃទី១៦ ខែមេសា ៕
ដោយ ៖ សុខ ជីវ័ន្ត
ចុចអាន ៖ ស្វាមីរបស់អតីតសេដ្ឋិនី វៀតណាម ដែលរងទោសប្រហារជីវិត ក៏មិនរួចខ្លួនដែរ
-
ព័ត៌មានជាតិ៦ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៦ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ សប្តាហ៍ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៦ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ៧ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៥ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ជីវិតកម្សាន្ដ៦ ថ្ងៃ ago
កូនប្រុសតារាហុងកុង Cecilia Cheung វ័យ១៧ ឆ្នាំ ណាត់ជួបជាមួយគ្រូអាយុ ៤៦ ឆ្នាំ
-
ព័ត៌មានជាតិ១ សប្តាហ៍ ago
មកដឹងពីដើមកំណើត និងអត្ថន័យ នៃល្បែងទាញព្រ័ត្រ