ចរាចរណ៍

ភិនភាគរថយន្ត Rolls-Royce ជួបគ្រោះថ្នាក់យប់មិញ ម្ចាស់ជាអតីតភរិយាលោកឌួង ឆាយ

បានផុស

៥ years មុន

នៅ

ថ្ងៃពុធ ១៣ តុលា ២០២១

ដោយ

ហេតុការណ៍គ្រោះថ្នាក់ចរាចរណ៍យប់មិញ ដែលរថយន្តទំនើប Rolls-Royce មួយគ្រឿងបានបុករនាំងពុះចែកទ្រូងផ្លូវខូចខាតយ៉ាងដំណំ បើតាមភិនភាគស្លាកលេខរថយន្ត គឺម្ចាស់រថយន្តនេះគឺអ្នកនាង ដេត ម៉ាលីណា អតីតភរិយាលោកឌួង ឆាយ។

យ៉ាងណាសមត្ថកិច្ចនៅកន្លែងកើតហេតុមិនបានបញ្ជាក់អត្តសញ្ញាណម្ចាស់រថយន្តនោះទេ គ្រាន់តែឲ្យដឹងថា គ្រោះថ្នាក់នេះមិនបង្ករបួសដល់អ្នកបើកបរនោះទេ។

ក្រោយកើតហេតុប៉ុន្មានម៉ោង លោក ឌួង ឆាយបានបង្ហោះសាររៀបរាប់ថា “អ្នកជាម្តាយកូនៗរបស់យើង ខ្ញុំសង្ឃឹមថាអ្នកនឹងមិនមានគ្រោះថ្នាក់អ្វីកើតឡើងចុះ។ អានិតកូនៗយើង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឱ្យដឹងថា មុនកើតហេតុគេឃើញរថយន្តស៊េរីទំនើបម៉ាក Rolls Royce ពណ៌សមួយគ្រឿងពាក់ស្លាកលេខកម្ពុជា MR-IDOL ធ្វើដំណើរទិសដៅពីកើតទៅលិចមកដល់ចំណុចកើតហេតុខាងលើផ្លូវកោងបន្តិច សង្ស័យម្ចាស់បើកលឿនបួងចង្កូតមិនទាន់ជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឱ្យរងការខូចខាតអស់មួយកង់ រួមទាំងបង្គោលភ្លើងបំភ្លឺផ្លូវមួយដើមរាបដល់ដី។ ឯរថយន្តផ្ទប់ជាប់ជាមួយទ្រូងផ្លូវខូចខាតផ្នែកខាងមុខយ៉ាងដំណំទៅមុខលែងរួច។

បច្ចុប្បន្ន រថយន្តត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយគ្នាតាមផ្លូវច្បាប់៕