ព័ត៌មានជាតិ

ពលរដ្ឋកម្ពុជា ស្នើអន្តរជាតិ ដាក់ទោសទណ្ឌលើថៃ ដែលបាញ់កម្ទេចសម្បត្តិបេតិកភណ្ឌពិភពលោក

បានផុស

៥ ខែ មុន

នៅ

ថ្ងៃសុក្រ ២៦ ធ្នូ ២០២៥

ដោយ

ប្រជាពលរដ្ឋកម្ពុជា ថ្កោលទោសយ៉ាងធ្ងន់ធ្ងរ និងស្នើសុំទៅកាន់សហគមន៍អន្តរជាតិ ជួយដាក់ទោសទណ្ឌលើប្រទេសថៃ ដែលបានបើកការបាញ់កម្ទេចប្រាង្គប្រាសាទមួយចំនួនរបស់កម្ពុជា ពិសេសប្រាសាទព្រះវិហារ ប្រាសាទតាក្របី និងរូបសំណាកជាសម្បត្តិរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈអំពើឈ្លានពានដ៏ព្រៃផ្សៃរបស់កងកម្លាំងយោធាថៃ មកក្នុងដែនអធិបតេយ្យរបស់កម្ពុជា ថៃបានបើកការវាយប្រហារទាំងតាមការថ្មើរជើង ការប្លោងគ្រាប់ធុនធ្ងន់ វាយប្រហារតាមអាកាស ដោយបំផ្លិចបំផ្លាញហេដ្ឋារចនាសម្ព័ន្ធ ក៏ដូចជាសម្លាប់អាយុជីវិតប្រជាជនស៊ីវិលអស់ជាច្រើន។

លោក ហង្ស រ៉ាវី ជាពលរដ្ឋកម្ពុជា លើកឡើងថា ការឈ្លានពានទឹកដី ហើយបន្តបើកការបាញ់កម្ទេចប្រាង្គប្រាសាទរបស់កម្ពុជានេះ មិនត្រឹមតែជាសង្គ្រាមឈ្លានពានទេ តែវាត្រូវបានគេមើលឃើញយ៉ាងច្បាស់ថា ជាសកម្មភាពចោរលួចទ្រព្យសម្បត្តិ ហើយពេលលួចមិនបាន ក៏សម្រេចបាញ់កម្ទេចចោល បើទោះបីថៃបានដឹងថា ប្រាសាទខ្លះរបស់កម្ពុជា ជាសម្បត្តិបេតិកភណ្ឌរបស់ពិភពលោកក៏ដោយ។

លោកបន្តថា សកម្មភាពរបស់យោធាថៃ ទាំងអស់នេះ គឺជាអំពើថោកទាបបំផុត ដូច្នេះប្រជាពលរដ្ឋរបស់ប្រទេសកម្ពុជា សម្តែងការថ្កោលទោសយ៉ាងធ្ងន់ធ្ងរ និងស្នើសុំទៅកាន់សហគមន៍អន្តរជាតិ ដូចជា សហរដ្ឋអាមេរិក ចិន និងម៉ាឡេស៊ីជាប្រធានអាស៊ានប្ដូរវេន ជួយអន្តរាគមន៍បន្តទៀត ដើម្បីឲ្យថៃបញ្ឈប់ជាបន្ទាន់នូវសកម្មភាពឈ្លានពានមកលើដែនអធិបតេយ្យភាពរបស់កម្ពុជា។

គួរបញ្ជាក់ថា គិតត្រឹមថ្ងៃទី ២៦ ខែធ្នូ ឆ្នាំ ២០២៥ នេះ មានរយៈពេល ២០ ថ្ងៃហើយ ដែលកងកម្លាំងយោធាប្រទេសថៃ បានបើកការបាញ់ប្រហារឈ្លានពានចូលមកក្នុងដែនអធិបតេយ្យភាពរបស់កម្ពុជាយ៉ាងសាហាវព្រៃផ្សៃបំផុត ដោយបានបំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែងពលរដ្ឋ និងប្រជាជនប្រមាណជាងកន្លះលាននាក់ហើយ កំពុងត្រូវបានភៀសសឹក ពិសេសបានសម្លាប់អាយុជីវិតពលរដ្ឋស្លូតត្រង់ជាច្រើនផងដែរ៕

អត្ថបទ ៖ សុភា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា