កីឡា
កឹម រតនា មានក្ដីស្រមៃចង់ឈ្នះមេដាយអន្តរជាតិ ខណៈលេងកីឡាប៊ូល ១០ឆ្នាំហើយមិនទាន់មានមេដាយអន្តរជាតិទេ
កីឡាការិនី កឹម រតនា ថាខ្លួននៅមានក្ដីស្រមៃមួយមិនទាន់បានសម្រេចនោះគឺចង់ឈ្នះមេដាយអន្តរជាតិឲ្យបាន ១គ្រឿង ព្រោះចូលហ្វឹកហាត់កីឡាប៊ូល និងប៉េតង់ នេះប្រហែល ១០ឆ្នាំមកហើយនៅមិនទាន់បានឈ្នះនៅឡើយទេស្របពេលក្ដីស្រមៃមួយចំនួនបានសម្រេច។
កីឡាការិនី កឹម រតនា
កឹម រតនា បានឲ្យដឹងថា ខ្លួនចូលប្រឡូកក្នុងកីឡាប៊ូល និងប៉េតង់នេះគិតៗទៅមានរយៈពេលប្រហែល ១០ឆ្នាំមកហើយ។ ចំពោះសមិទ្ធផលមេដាយក្នុងស្រុកដូចជា កីឡាជាតិ ជើងឯកថ្នាក់ជាតិផ្សេងៗគឺធ្លាប់ឈ្នះនាពេលកន្លងមក ប៉ុន្តែនៅព្រឹត្តិការណ៍អន្តរជាតិគឺពុំទាន់មាននៅឡើយទេ។
កីឡាការិនី កឹម រតនា
ម្ចាស់មេដាយមាសជើងឯកថ្នាក់ជាតិឆ្នាំ២០២៥ រូបនេះបន្ថែមទៀតថា ខ្លួនធ្លាប់បានចេញក្រៅប្រកួតតែ ១ដងគត់ក្នុងអាជីព ១០ឆ្នាំមកនេះតែធ្វើមិនបានល្អនោះឡើយដោយសារបទពិសោធនៅក្មេងខ្ចីពេក។ រតនា បញ្ជាក់ថា ការដែលមិនសូវបានចេញទៅប្រកួតនៅក្រៅស្រុកនេះដោយសារតែធ្វើតេស្តមិនឈ្នះរៀមច្បង សមត្ថភាពនៅក្រោមកីឡាការិនីឆ្នើមៗដទៃទៀត។
កីឡាការិនី កឹម រតនា ពេលឈ្នះមេដាយមាសថ្នាក់ជាតិ
កីឡាការិនីតំណាងក្រសួងមហាផ្ទៃរូបនេះលើកឡើងទៀតថា ពីមុនដោយសារមិនមានពេលវេលាហ្វឹកហាត់បានគ្រប់គ្រាន់ព្រោះជាប់រៀន។ ដូច្នេះការហ្វឹកហាត់បានតិច អារម្មណ៍ត្រូវបែងចែកច្រើន មិនសូវមានពេលផ្ដោតទាំងស្រុងលើការពង្រឹងសមត្ថភាពលេង។ ឥលូវនេះការរៀនសូត្រក៏បានបញ្ចប់ ក្របខ័ណ្ឌក៏ទទួលបាន អាចថាជាពេលសមស្របមួយដល់ខ្លួនប្រឹងប្រែងហ្វឹកហាត់ឡើងវិញដើម្បីក្ដាប់ឱកាសបានចេញក្រៅស្រុកដណ្ដើមមេដាយបំពេញក្ដីស្រមៃរបស់ខ្លួនហើយ។
កីឡាការិនី កឹម រតនា
បញ្ជាក់ដែរថា កីឡាការិនី កឹម រតនា ចូលហ្វឹកហាត់កីឡាប៊ូល និងប៉េតង់នេះប្រហែល ១០ឆ្នាំមកហើយ។ រូបគេកន្លងទៅហ្វឹកហាត់ និងប្រកួតលើវិញ្ញាសាក្រុម និងទើបតែផ្លាស់មកលេងលើ វិញ្ញសាឯកត្តជននារី បាន ៣លើកនោះទេ។ កីឡាការិនីតំណាងក្រសួងមហាផ្ទៃរូបនេះទើបឈ្នះមេដាយមាស និងពាន ក្នុងព្រឹត្តិការណ៍ជ្រើសរើសជើងឯកថ្នាក់ជាតិ ឆ្នាំ២០២៥ ដែលទើបបញ្ចប់ការកាលពីថ្ងៃទី៣០ ខែកុម្ភៈ ឆ្នាំ២០២៦ នេះ៕
អត្ថបទដោយ៖ នួន ស៊ីណា
-
ព័ត៌មានជាតិ១៧ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន