ការ​ស្តង់​មតិ​៖ ពល​រដ្ឋ​អាមេរិក​ភាគ​ច្រើន​ អស់​ទំនុក​ចិត្ត​លើ​តុលាការ​កំពូល​​ ដោយ​សារអំណាចរបស់ ត្រាំ​

ទំនុក​ចិត្តលើតុលាការកំពូល​សហរដ្ឋអាមេរិក ​នៅ​តែ​មាន​ភាព​រង្គោះរង្គើ ​ដោយសារ​ជនជាតិអាមេរិក​ជាងពាក់កណ្តាលមានទស្សនៈ​​មិន​ទុក​ចិត្ត​​ចំពោះតុលាការ​ និង ៤៦% ជឿថា ការសម្រេចចិត្ត​របស់ខ្លួន​ត្រូវ​បាន​បង្កើតឡើងដោយ​គោលនយោបាយ និងមនោគមវិជ្ជារបស់​ប្រធានាធិបតីអាមេរិក​ លោក​ ដូណាល់ ត្រាំ ជាជាងច្បាប់។ នេះបើ​យោង​តាមការស្ទង់មតិថ្មីៗ។

យោង​តាមការស្ទង់មតិ​របស់​សារព័ត៌មាន​ Washington Post ចេញ​ផ្សាយ​កាលពីថ្ងៃសៅរ៍ ​វាយតម្លៃពី​​ការយល់ព្រម​ចុងក្រោយ​បំផុត​ គឺស្ថិត​ក្នុងកម្រិតទាបបំផុត​របស់តុលាការក្នុងរយៈ​ពេលប៉ុន្មានឆ្នាំចុង​ក្រោយនេះ ដែល​បង្ហាញពីនិន្នាការ​មួយ​របស់​ជនជាតិអាមេរិក​ និង​ឆ្លុះ​បញ្ចាំង​ពី​ការ​សម្រេចចិត្តរបស់ខ្លួន​​ថា គ្រាន់​តែ​ជាហេតុផល​នយោបាយ​។

ក្នុងអាណត្តិដែល​​បានបញ្ចប់នៅក្នុងខែមិថុនា តុលាការបានពង្រឹង​​របៀបវារៈ​របស់​​រដ្ឋបាល លោក ត្រាំ​ ដោយពង្រីក​អំណាចប្រធានាធិបតី ​និងអនុញ្ញាតឱ្យមន្ត្រីនិរទេសជន​អន្តោប្រវេសន៍រាប់រយរាប់ពាន់នាក់​​ រស់នៅស្របច្បាប់​ក្នុង​សហរដ្ឋអាមេរិក។

យ៉ាងណា តុលាការ​ក៏បានសម្រេចប្រឆាំង​នឹងរដ្ឋបាល​ លើគោល​នយោបាយសំខាន់ៗ​ផ្សេងទៀត រួមទាំងការរារាំងកិច្ចខិតខំប្រឹងប្រែង​របស់ខ្លួន​ក្នុងការបញ្ចប់សញ្ជាតិ​ពីកំណើត និងដាក់ពន្ធយ៉ាងច្រើន។

ការស្ទង់មតិថ្មីក៏​បានរកឃើញផងដែរថា ប្រហែល ៦៧% នៃ​សាធារណ​ជន​យល់ស្រប​លើ​ការ​សម្រេច​របស់​តុលាការ ខណៈជិត​ ៧៥% មិន​យល់​ស្រប​ ពី​ក្រុម​ប្រជាធិបតេយ្យ​។​

ក្នុង​ចំណោមអ្នកឆ្លើយតប ៤៦% ជឿ​ថាចៅក្រមផ្អែកលើការសម្រេចរបស់​តុលាការ ខណៈ​ ៦៦% ថា ចៅក្រមភាគច្រើន​ស្របនឹងមនោគម​វិជ្ជារបស់រដ្ឋបាល​ លោក ត្រាំ​។

ការរកឃើញនេះ​គឺស្របនឹងការស្ទង់មតិពីមុន​ដែលបង្ហាញពីទំនុកចិត្ត​ធ្លាក់ចុះ​នៅក្នុងតុលាការ និងការយល់ឃើញកាន់តែខ្លាំង​ឡើងថា ការ​សម្រេចនានា​ ត្រូវបានជំរុញដោយ​នយោបាយ៕