ព័ត៌មានអន្ដរជាតិ

អ្នកដំណើរចាក់វ៉ាក់សាំងគ្រប់ដូស អង្គុយស្លាប់ក្នុងយន្តហោះ ស្រាប់តែពេលពិនិត្យ ឃើញកូវីដ

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

អ្នកដំណើរតាមអាកាស ដែលបានចាក់វ៉ាក់សាំងពេញលេញប៉ុន្តែមានផ្ទុកមេរោគកូវីដ-១៩ ត្រូវបានប្រទះឃើញអង្គុយស្លាប់ នៅលើកៅអីរបស់គាត់បន្ទាប់ពីយន្តហោះចុះចត។

ក្រុមការងារនៃក្រុមហ៊ុនអាកាសចរណ៍ Pegasus Airlines បានប្រទះឃើញបុរសអាយុ៥១ឆ្នាំស្លាប់នៅលើកៅអីរបស់គាត់ បន្ទាប់ពីជើងហោះហើរលេខ ១០៤៣ មកពីទីក្រុង Istanbul ប្រទេសតួកគីទៅកាន់ទីក្រុង Hamburg ប្រទេសអាល្លឺម៉ង់កាលពីថ្ងៃទី ២៥ ខែតុលា បានចុះចត។

A fully vaccinated aeroplane passenger infected with coronavirus died during his Pegasus Airlines flight (File image)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដើមកំណើតរុស្ស៊ីរូបនេះ កំពុងធ្វើដំណើរតាមយន្តហោះ Airbus 320 នៅពេលគាត់ ទទួលមរណភាព។

បុគ្គលិកម្នាក់បានប្រទះឃើញថា គាត់បាត់បង់ជីវិតនៅលើកៅអីរបស់គាត់ បន្ទាប់ពីអ្នកដំណើរ ទាំងអស់បានចុះពីលើយន្តហោះក្នុងទីក្រុង Hamburg នៅម៉ោងប្រហែល ១២ ថ្ងៃត្រង់។

មូលហេតុនៃការស្លាប់របស់បុរសម្នាក់នេះ មិនទាន់ត្រូវបានគេដឹងច្បាស់នៅឡើយទេ ថ្វីបើរបាយការណ៍ក្នុងស្រុកបង្ហាញថា គាត់មានជំងឺធ្ងន់ធ្ងរមួយចំនួនក៏ដោយ។

The51-year-old man was discovered dead after the plane had landed at Hamburg airport in Germany

សមត្ថកិច្ចជំនាញបានធ្វើកោសល្យវិច្ច័យលើសាកសព ហើយសន្និដ្ឋានថា បុរសខាងលើពិតជាស្លាប់នៅពេលយន្តហោះ ធ្វើដំណើរបានពាក់កណ្តាលផ្លូវមែន។

ពួកគេបានកត់សម្គាល់ថា គាត់បានធ្វើតេស្តវិជ្ជមានជំងឺកូវីដ-១៩ ប៉ុន្តែគេមិនច្បាស់ទេ ថាតើគាត់បានបង្ហាញរោគសញ្ញាណាមួយនៅថ្ងៃចុងក្រោយរបស់គាត់ដែរឬក៏អត់។ ហើយគេក៏មិនទាន់ច្បាស់ដែរថា តើកូវីដជាមូលហេតុនៃការស្លាប់មែនឬក៏មិនមែន។

គួរបញ្ជាក់ថា គាត់ត្រូវបានអនុញ្ញាតឲ្យឡើងយន្តហោះ ដោយសារតែគាត់បង្ហាញថា គាត់បានចាក់វ៉ាក់សាំង ប្រឆាំងកូវីដគ្រប់ដូសហើយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្ត្រ រកឃើញវីរុស កូវីដ-១៩ នៅក្នុងទឹកកាកសំណល់