ចរាចរណ៍

រថភ្លើងបើកបុកម៉ូតូ១គ្រឿង បណ្ដាលឲ្យបុរសម្នាក់ស្លាប់

បានផុស

៥ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

ព្រះសីហនុ ៖ បុរសម្នាក់បានរងរបួសធ្ងន់ ហើយដេកស្លាប់លើដើមស្មៅក្នុងព្រៃនៅកន្លែងកើតហេតុ ក្នុងហេតុការណ៍គ្រោះថ្នាក់ចរាចរណ៍ររវាងរថភ្លើងនិងម៉ូតូបើកបុកគ្នា។ ករណីគ្រោះថ្នាក់ចរាចរណ៍ដោយខ្វះការប្រុងប្រយ័ត្ននេះ បានកើតមានឡើងនៅម៉ោង១៥និង៤៥នាទីរសៀល ថ្ងៃទី១២ ខែវិច្ឆិកា ឆ្នាំ២០២១ ចំណុចលើផ្លូវដែក ស្ថិតនៅចំណុច ខ-៣ ភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានឲ្យដឹងថា ករណីនេះបង្កឡើងរវាងរថភ្លើង ១គ្រឿង បើកក្នុងទិសដៅពីភ្នំពេញ-ខេត្តព្រះសីហនុ លុះមកដល់កន្លែងកើតហេតុក៏បានបុកម៉ូតូ ១គ្រឿង ដែលបើកឆ្លងកាត់លើផ្លូវរថភ្លើង។ ម៉ូតូម៉ាកស៊ីរុស ពណ៌ក្រហមលាយខ្មៅ ពាក់ស្លាកលេខ ព្រះសីហនុ១B-៨៣១៤។

សមត្ថកិច្ចបានប្រាប់ទៀតថា ករណីនេះបណ្តាលឲ្យ អ្នកបើកម៉ូតូឈ្មោះ លីវ ហុង ភេទប្រុស អាយុ៦៦ឆ្នាំ ទីលំនៅភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ (ស្លាប់នៅនឹងកន្លែង)។

ក្រោយបង្កហេតុរួច រថភ្លើងបានបន្តដំណើរទៅមុខទៀត។ ដោយឡែកវត្ថុតាង (ម៉ូតូ) បានយកទៅរក្សាទុកនៅអធិការដ្ឋាននគរបាលស្រុកព្រៃនប់ រីឯសាកសពបានប្រគល់ជូនគ្រួសារយកទៅធ្វើបុណ្យតាមប្រពៃណី៕

ដោយ ៖ ស៊ុយ ចាន់ធា