នយោបាយ
តុលាការកំពូលអញ្ជើញលោក សៀម ភ្លុក ស្ថាបនិកបក្សបេះ ដូងជាតិ និងមេធាវីឲ្យចូលរួមសវនាការ នៅថ្ងៃទី ២៤ ធ្នូ
លោក ឌិត មុន្ទី ប្រធានតុលាការកំពូល បានចេញលិខិតអញ្ជើញលោក សៀម ភ្លុក ស្ថាបនិក គណបក្សបេះដូងជាតិ និងមេធាវីតំណាងដោយអាណត្តិ ឲ្យចូលរួមសវនាការនៅតុលាការកំពូល នៅថ្ងៃទី ២៤ ខែធ្នូ ឆ្នាំ ២០២១។
ក្នុងលិខិតអញ្ជើញ របស់ប្រធានតុលាការកំពូល ចំនួន ៣ដាច់ដោយឡែកផ្សេងគ្នា បានបញ្ជាក់ថា «កម្មវត្ថុនៃបណ្ដឹង៖ ប្ដឹងសុំតុលាការកំពូល ចេញដីកាបង្គាប់ឲ្យក្រសួងមហាផ្ទៃ ចុះបញ្ជីគណបក្សនយោបាយ ជូនគណបក្សបេះដូងជាតិ»។
សូមជម្រាបថា កាពីថ្ងៃទី ២៦ ខែវិច្ឆិកា ឆ្នាំ ២០២១កន្លងទៅនេះ គណបក្សបេះដូងជាតិ បានដាក់ពាក្យបណ្តឹងចូល ទៅកាន់តុលាការកំពូលរូចហើយ ដើម្បីសុំឲ្យតុលាការកំពូលចេញដីកាបង្គាប់ ទៅក្រសួងមហាផ្ទៃ ឲ្យចុះបញ្ជីគណបក្សបេះដូងជាតិ។
លោក សៀម ភ្លុក ធ្លាប់បានប្រាប់កម្ពុជាថ្មីថា «នៅរសៀលម៉ោង៣នេះ (ថ្ងៃទី២៦ ខែវិច្ឆិកា ឆ្នាំ២០២១) នេះ។ នៅក្នុងខ្លឹមសារ យើងសុំឲ្យតុលាការកំពូល ចេញដីកាបង្គាប់ទៅក្រសួងមហាផ្ទៃ ដើម្បីឲ្យក្រសួងមហាផ្ទៃ ចុះបញ្ជីគណបក្សបេះដូងជាតិ»។
លោក សៀម ភ្លុក តំណាងស្ថាបនិកគណបក្សបេះដូងជាតិ កាលពីថ្ងៃទី២២ ខែវិច្ឆិកា ឆ្នាំ២០២១ បានចេញសេចក្តីថ្លែងការណ៍មួយបង្ហាញការសោកស្តាយចំពោះក្រសួងមហាផ្ទៃ ដែលបដិសេធចំពោះការស្នើសុំចុះបញ្ជីរបស់គណបក្សបេះដូងជាតិ ហើយអះអាងថា នឹងរៀបចំប្តឹងទៅតុលាការទៀតផង។
ក្រសួងមហាផ្ទៃ បានប្រកាសមិនចុះបញ្ជីឲ្យគណបក្សបេះដូងជាតិ ដោយសារតែការផ្តិតស្នាមមេដៃរបស់សមាជិកគណបក្សបេះដូងជាតិ ដើម្បីគាំទ្រការ ចុះបញ្ជីមានចេតនាទុច្ចរិត ដោយមានការផ្តិតស្មាមមេដៃជំនួស ការក្លែងបន្លំអត្តសញ្ញា ណបុគ្គល និងការផ្តិតធ្វើឲ្យខូចគុណភាព ក្នុងការបង្កើនបរិមាណសមាជិក។
ជាមួយគ្នានេះ ខ្លឹមសារប្រការមួយចំនួន នៃលក្ខន្តិកៈគណបក្សផ្ទុយនឹងបទប្បញ្ញត្តិ នៃច្បាប់ស្តីពីគណបក្សនយោបាយ។ មិនតែប៉ុណ្ណោះ នៅក្នុងលិខិតដាច់ដោយឡែកមួយ ទៅកាន់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺសម្តេចក្រឡាហោម ស ខេង បានលើកឡើងថា ក្រសួងមហាផ្ទៃ នឹងមានវិធានការផ្លូវច្បាប់ ទៅតំណាងស្ថាបនិកគណបក្សបេះជាតិ និងបុគ្គលពាក់ព័ន្ធមួយចំនួន ដែលបានចូលរួមក្លែងបន្លំស្នាមមេដៃនេះ។
លោក ខៀវ សុភ័គ អ្នកនាំពាក្យក្រសួងមហាផ្ទៃ ធ្លាប់បានផ្តាំកុំឲ្យលោក សៀម ភ្លុក រត់ចោលស្រុក។ លោកថា «បើចង់លេងផ្លូវច្បាប់ក៏ល្អដែរ ប៉ុន្តែសូមផ្ដាំមុនកុំរត់ចោលស្រុក សុំជ្រកកោននយោបាយអីដូចអ្នកដទៃទៀត យកបញ្ហាហ្នឹងទៅលន់តួសុំស្ថានទូតផ្សេងៗសុំសិទ្ធិជ្រក កោននយោបាយ អាហ្នឹងផ្ដាំឱ្យហើយលេងកុំខឹង បើខឹងកុំលេង»៕
អត្ថបទ៖ ឃួន សុភ័ក្រ
ក្រុមហ៊ុន វឌ្ឍនៈ ឧបត្ថម្ភទឹកពិសាប្រណិត វី-អាកទីវ និងភេសជ្ជៈកីឡា វី-អាកទីវ រាប់ម៉ឺនដប/កំប៉ុង សម្រាប់ព្រឹត្តិការណ៍ «ច្រៀងចម្រៀងជាតិ»
យីហោសម្លៀកបំពាក់ និងស្បែកជើងល្បីៗ នឹងបង្ហាញជូនសាធារណជននៅណាហ្គាវើលដ៍
អ្នកនាំពាក្យខេត្តកោះកុង ៖ មិនទាន់មានការបង្រ្កាបទីតាំងល្បែងអនឡាញទេ មានតែករណីស្រាវជ្រាវឃាតកម្ម
មន្ត្រីជាន់ខ្ពស់៖ការអប់រំកុមារតូចៗជាមូលដ្ឋានគ្រឹះដ៏សំខាន់សម្រាប់សិស្សទទួលបានការសិក្សាពេញមួយជីវិត
ការដាក់ពាក្យប្រឡងក្របខ័ណ្ឌមន្ត្រីពន្ធនាគារ នឹងចាប់ផ្តើមផ្តល់ពាក្យនៅដើមសប្តាហ៍ក្រោយ
ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
នគរបាលប្រឆាំងបទល្មើសសេដ្ឋកិច្ចចុះបង្ក្រាបហាងលក់សម្លៀកបំពាក់ H Collection ៣ទីតាំងពាក់ព័ន្ធករណីក្លែងបន្លំម៉ាកយីហោ
ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?
រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានជាតិ៥ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ