វណ្ណដា ក្លាយជាសិល្បករ កម្ពុជា ដំបូង បង្ហាញខ្លួនលើទំព័រមុខនៃទស្សនាវដ្ដីអន្ដរជាតិ

ប្រភពពី ហ្វេសប៊ុកផេក របស់ផលិតកម្ម បារមី នៅថ្ងៃនេះ បានឱ្យបានដឹងថា តារាចម្រៀងរ៉េប វណ្ណដា បានក្លាយជាសិល្បករខ្មែរដំបូងគេ ដែលលេចវត្តមាននៅទំព័រមុខនៃទស្សនាវដ្ដីអន្តរជាតិមួយ។

បើយោងតាមខ្លឹមសារដើមដែលបង្ហោះដោយ ផលិតកម្ម បារមី បានសរសេរដូច្នេះថា “អបអរសាទរទៅកាន់ Vann Da – វណ្ណដា ក្នុងការក្លាយជាសិល្បករដំបូងនៃប្រទេស កម្ពុជា ដែលបានឈរនៅលើទំព័រមុខនៃទស្សនាវដ្ដីអន្ដរជាតិ LiFTED Asia ប្រចាំខែ ធ្នូ នេះ!”

បន្ថែមពីលើការអបអរមួយនេះ ផលិតកម្ម បានថ្លែងអំណរគុណទៅកាន់ហ្វេនៗដែលតែងតែគាំទ្រសិល្បកររបស់ខ្លួន និងអរគុណជាពិសេសទៅកាន់ទស្សនាវដ្ដី LiFTED Asia ក្នុងការជ្រើសរើសបទ “Time To Rise” ជា “Best Video of 2021″។

គួររំលឹកថា កាលពីពេលថ្មីៗនេះ MV បទ «Time to Rise» របស់ វណ្ណដា និង ព្រឹទ្ធាចារ្យលោកតា គង់ ណៃ ត្រូវបានជាប់ចំណាត់ថ្នាក់លេខ១ «Best Videos of 2021» ដែលជ្រើសរើសដោយ LiFT ED Asia៕ 

អត្ថបទ៖ សន្យា

ចុចអាន៖ Sai Fhon បវរកញ្ញាភេទទី ៣ ត្រៀមខ្លួនចេញទៅប្រកួត Miss Queen International នៅប្រទេសថៃឆាប់ៗនេះ