ព័ត៌មានជាតិ

ឈ្មួញសម្រុកដឹកជញ្ជូនទំនិញចែកចាយតាមខេត្តមុនបិទបញ្ជីឆ្លងឆ្នាំសកល

បានផុស

៥ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ក្នុងអំឡុងពេលពាក់កណ្តាលខែធ្នូនេះ គេសង្កេតឃើញក្រុមឈ្មួញសម្រុកដឹកជញ្ជូនទំនិញចេញពីភ្នំពេញ ចែកចាយតាមបណ្តាខេត្តមុនពេលឆ្លងឆ្នាំសកល ដើម្បីបិទបញ្ជីសរុបរយៈពេល១ឆ្នាំម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក មឿន សុដា ជាអាជីវករលក់ដូរគ្រឿងទេសនៅច្បារអំពៅ បានប្រាប់ កម្ពុជាថ្មី នៅព្រឹកថ្ងៃទី១៦ ខែធ្នូនេះថា ក្នុងអំឡុងខែធ្នូនេះ បងប្អូនដែលជាអាជីវករនៅតាមបណ្តាខេត្ត ព្រៃវែង ស្វាយរៀង តាកែវ កំពង់ស្ពឺ និងខេត្តកណ្តាលបានសម្រុកមកដឹកទំនិញគ្រឿងទេសយកទៅទីតាំងរបស់ខ្លួនដើម្បីឲ្យបានមុនពេលឈ្មួញធំត្រូវបិទបញ្ជីមុនឆ្លងឆ្នាំសកល។ ដែលក្នុងនោះ ឈ្មួញធំត្រូវការទាមទារប្រាក់ដែលជំពាក់ក្នុងអំឡុងឆ្នាំ២០២១នេះ មុននឹងបន្តឲ្យជំពាក់ចាប់ពីដើមឆ្នាំ២០២២ខាងមុខនេះតទៅ។ ប៉ុន្តែបើបងប្អូនដែលនៅជំពាក់មិនទាន់សង គឺឈ្មួញនឹងបញ្ឈប់ការឲ្យកម្ចីទៀតហើយ។

គួរបញ្ជាក់ថា ទីតាំងដែលឈ្មួញធំៗចែកចាយទំនិញទៅតាមបណ្តាខេត្តនេះ គឺស្ថិតនៅបេនឡានច្បារអំពៅ មានទីតាំងស្ថិតនៅសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ៕

អត្ថបទ៖ នរា