គោលដៅអាទិភាព ២ យ៉ាង ត្រូវបានបន្តបណ្តុះបណ្តាល ដល់មន្ត្រីបង្គោលឲ្យកាន់តែប្រសើរ នូវភារកិច្ចចំពោះមុខ

លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា គោលដៅអាទិភាព ២យ៉ាង ត្រូវបានបន្តបណ្តុះបណ្តាល ដល់មន្ត្រីបង្គោលឲ្យកាន់តែប្រសើរឡើងថែមទៀត នូវភារកិច្ចចំពោះមុខ។

លោក តូច ចាន់នី ថ្លែងបែបនេះ នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា កាលពីរសៀលថ្ងៃទី ២ ខែមីនា ឆ្នាំ ២០២២ ខណៈអញ្ជើញជួបសម្ភាសន៍ ជាមួយមន្រ្តីបង្គោល នៃអង្គភាពស្រាវជា្រវអំពីប្រជាជន និងគោលនយោបាយអភិវឌ្ឍន៍ របស់អគ្គលេខាធិការដ្ឋានប្រជាជន និងការអភិវឌ្ឍ នៃក្រសួងផែនការ។

លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស បានថ្លែងបន្តថា ការជួបសម្ភាសន៍ជាមួយមន្រ្តីបង្គោល នៃអង្គភាពស្រាវជា្រវអំពីប្រជាជន និងគោលនយោបាយអភិវឌ្ឍន៍ របស់អគ្គលេខាធិការដ្ឋានប្រជាជន និងការអភិវឌ្ឍ នៃក្រសួងផែនការ នាពេលនេះ ដើម្បីធ្វើការសិក្សាមួយ ស្តីពី តម្រូវការបណ្តុះបណ្តាល លើការងារផែនការ និងគោលនយោបាយ ផែនការ។

គោលនយោបាយអាទិភាព ២យ៉ាង ត្រូវបានបន្តបណ្តុះបណ្តាលដល់មន្ត្រីបង្គោល គឺក្នុងគោលបំណងស្វែងយល់អំពី (១) សមត្ថភាពរបស់មន្រ្តីរាជការ ផ្សារភ្ជាប់ទៅនឹងការងារផែនការ គោលនយោបាយជាតិ ឬស្ថាប័ន និង (២) តម្រូវការបណ្តុះបណ្តាលជាក់ស្តែង របស់មន្រ្តីជំនាញពាក់ព័ន្ធ ការរៀបចំផែនការគោលនយោបាយ ការតាមដានត្រួតពិនិត្យ និងវាយតម្លៃលទ្ធផល នៃការអនុវត្តផែនការ តែម្ដង៕

អត្ថបទ៖ វិមាន