ជីវិតកម្សាន្ដ

២០២២ សុខ ពិសី កំពុងត្រូវប៉ាន់ព្រមគ្នា មិនថាជំនួញ ឬវិស័យសិល្បៈ

បានផុស

៣ years មុន

នៅ

ថ្ងៃចន្ទ ២៨ មីនា ២០២២

ដោយ

តារាចម្រៀងស្រីលំដាប់កំពូលរបស់សាន់ដេ កញ្ញា សុខ ពិសី ត្រូវបានគេចាត់ទុកថានាងជារាជិនីសម្រស់ផងនោះ ស្រាប់តែឈានចូលដល់ដើមឆ្នាំ ២០២២ នេះភ្លាម ពិសី កាន់តែត្រូវប៉ាន់លើទីចម្រៀងការផ្សព្វផ្សាយស្ពតធំៗ និងមុខជំនួញផ្ទាល់ខ្លួនជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះអាចចាត់ទុកថា ជាជោគជ័យដ៏ធំរបស់កញ្ញា សុខ ពិសី បន្ថែមទៀតបន្ទាប់ពីអាជីពសិល្បៈរបស់នាងបច្ចុប្បន្នក៏នៅតែរក្សាបានសន្ទុះនៃការគាំទ្រ និងមានប្រជាប្រិយភាពខ្លាំងមិនចាញ់មិត្តភក្តិរួមជំនាន់ឡើយ។ ដោយសារតែរវល់ច្រើនជាមួយការងារប្រចាំថ្ងៃទើប សុខ ពិសី ហាក់ស្រកសាច់បន្តិចនៅរយៈពេលជាង ១ ឆ្នាំចុងក្រោយនេះ ដែលធ្វើឲ្យរូបនាងក្លាយទៅជាមានរាងតូចច្រឡឹងគូរឲ្យស្រលាញ់។

ពាក់ព័ន្ធការងារសិល្បៈ និងមុខជំនួញប្រចាំថ្ងៃតារាចម្រៀងសំនៀងផ្អែមកញ្ញា សុខ ពិសី មិនបានអត្ថាធិប្បាយអ្វីច្រើនទេ គ្រាន់តែប្រាប់កម្ពុជាថ្មីដោយខ្លីថា បច្ចុប្បន្នទាំងសិល្បៈ និងមុខជំនួញខាងក្រៅចាប់ផ្តើមដំណើរទៅដោយរលូន ខណៈពេលនេះក៏កំពុងរវល់ច្រើនផងដែរ។ ម្យ៉ាងទៀតមុខជំនួន គឺទទួលបានការគាំទ្រខ្លាំងពីអតិថិជន។

រឿងដែលគួរឲ្យកត់សម្គាល់ទៀតនោះកញ្ញា សុខ ពិសី ក៏រឹតតែត្រូវប៉ាន់ផងដែរ ព្រោះថ្មីៗកន្លងទៅនាងទើបបានចេញមុខក្លាយជាតំណាងឲ្យផលិតផលធំមួយយ៉ាងភ្ញាក់ផ្អើល។ ក្រៅពីក្ដាប់បានស្ពតធំៗនោះ កញ្ញា សុខ ពិសី ក៏ជាអ្នកថតម៉ូដសម្អាងការដ៏មមាញឹកផងដែរ ទើបធ្វើឲ្យនាងអាចរកប្រាក់ចំណូលពីសម្អាងការ និងស្ពតបានជាច្រើនម៉ឺនដុល្លារក្នុង ១ ឆ្នាំៗ ខណៈដែលផលិតផលខ្លះរង់ចាំឲ្យតែនាងផុតកុងត្រាចាស់គេនឹងចូលមកចែចូវទៀតផង៕

អត្ថបទ៖ ចាន់រ៉ា